پی ٹی آئی رکن اسمبلی کی اپوزيشن رہنماؤں پر جملے کسنے کی ایک اور ویڈيو سامنے آگئی

حکمران جماعت پاکستان تحریک انصاف (پی ٹی آئی) کے رکن قومی اسمبلی مجید نیازی کی اپوزيشن رہنماؤں پر جملے کسنے کی ایک اور ویڈيو سامنے آگئی۔

بجٹ اجلاس میں اپوزيشن پر نازیبا جملے کستے حکومتی رکن کی ویڈيو وائرل

گزشتہ روز قومی اسمبلی میں آئندہ مالی سال کا بجٹ پیش کیا گیا تھا

قومی اسمبلی ميں تحریک انصاف کے رکن اسمبلی مجید نیازی آج بجٹ پر بحث کے اجلاس میں قائد حزب اختلاف شہباز شریف پر طنز  اور جملے کستے  ہوئے نظر آئے۔

ویڈیو میں دیکھا جاسکتا ہے کہ وفاقی وزير علی امین گنڈا پور اس انداز سے لطف اندوز ہورہے ہيں۔ 

اس سے قبل 11 جون کو بجٹ اجلاس میں بھی مجید نیازی نے پی پی چیئرمین بلاول بھٹو زرداری پر نازیبا جملے کسے تھے۔

واقعے کی ویڈیو سوشل میڈیا پر وائرل ہوئی تھی جس پر سوشل میڈیا صارفین نے حکومتی رکن قومی اسمبلی کو تنقید کا نشانہ بنایا تھا۔