کینیڈا میں شہید پاکستانی خاندان کےقتل کے مقدمے میں دہشتگردی کی دفعات شامل

کینیڈا میں  پاکستانی خاندان کے 4 افراد کےقتل کے مقدمے میں دہشت گردی کی دفعات شامل کردی گئیں۔

کینیڈین میڈیا کے مطابق صوبہ اونٹاریو کے شہر لندن کی عدالت میں  ملزم نیتھینیل ولٹمین کی جیل سے ویڈیو لنک کے ذریعے پیشی ہوئی۔

کینیڈا میں دہشتگردی کے شکار پاکستانی خاندان کے چاروں افراد کی تدفین

گزشتہ دنوں لاہور سے تعلق رکھنے والے خاندان کے 4افراد کو کینیڈا کےشہر لندن اونٹاریو میں ایک دہشت گرد نے ٹرک سے کچل دیا تھا

عدالت نے 4افراد کے قتل کے مقدمے میں دہشت گردی کی دفعات کا اضافہ کر دیا، اس سے قبل ملزم کے خلاف قتل اور اقدام قتل کی دفعات کے تحت مقدمہ درج تھا۔

واضح رہے کہ گذشتہ دنوں کینیڈا میں اسلامو فوبیا کے شکار دہشت گرد نے پاکستانی خاندان کے 4 افرادکو ٹرک تلے روند ڈالا تھا۔

دہشت گردی کی واردات میں عمر رسیدہ ماں، فزیوتھراپسٹ بیٹاسلمان، بہومدیحہ اور  پوتی جاں بحق ہوئی جب کہ 9 برس کا پوتا شدید زخمی ہوا۔