21 جون ، 2021 
فادرز ڈے پر علی سفینہ کی بیٹی نے انہیں کیا سرپرائز دیا؟
21 جون ، 2021
معروف اداکار علی سفینہ نے فادرز ڈے پر بیٹی کے ہمراہ ایک خوبصورت تصویر شیئر کی جو وائرل ہوگئی۔
گزشتہ روز دنیا بھر میں فادرز ڈے منایا گیا جس پر علی سفینہ نے انسٹاگرام پر ایک پوسٹ شیئر کی جس میں انہوں نے اہلیہ اداکارہ و ماڈل حرا ترین اور بیٹی ماہ گل کا شکریہ ادا کیا۔
تصویر میں دیکھا جاسکتا ہے کہ اداکار نے اپنی بیٹی کو کندھے پر بٹھا رکھا ہے جب کہ اس کے ہاتھ میں ایک کارڈ بھی موجود ہے۔
کیپشن میں علی سفینہ نے بتایا کہ ماہ گل میرے پاس آئی اور کہا ہمارے پاس آپ کیلئے ایک سرپرائز ہے، پھر اس نے مجھے کارڈ تھما دیا جس پر 'آئی لو یو' درج تھا۔
علی نے اپنی پوسٹ میں مزید لکھا کہ میں محبت کے علاوہ مزید کیا مانگ سکتا ہوں۔
پوسٹ کے اختتام پر انہوں نے اپنی اہلیہ کا شکریہ ادا بھی کیا۔
خیال رہے کہ علی سفینہ اور حرا ترین 2013 میں رشتہ ازدواج میں منسلک ہوئے تھے جب کہ جوڑے کے گھر بیٹی کی پیدائش 2017 میں ہوئی تھی۔
مزید خبریں :
سوناکشی کو کس اداکار نے بڑی عمر کا کہہ کر فلم سے نکلوایا تھا؟
20 دسمبر ، 2024
