انٹرٹینمنٹ

صبور علی کوبلاک کرکے سوتی ہوں: کنزہ ہاشمی

21 جون ، 2021

اداکارہ کنزہ ہاشمی کا کہنا ہے کہ وہ اداکارہ اور اپنی دوست صبور علی کو روزانہ رات کو بلاک کرکے سوتی ہیں۔

اداکارہ حال ہی میں ایک ویب شو میں جلورہ گر ہوئیں اور دوران شو اپنی اور صبور علی کی گہری دوستی سے متعلق ایک دلچسپ قصہ بتایا۔

شوٹ پر جانے سے صرف 15 منٹ پہلے اٹھتی ہوں: کنزہ ہاشمی

کنزہ ہاشمی نے بتایا کہ میری صبح کی روٹین کچھ اس طرح سے ہے کہ میں شوٹ پر جانے سے صرف 15 منٹ پہلے اٹھتی ہوں اور اسی دوران جلدی جلدی تیار ہوکر شوٹ پر پہنچ جاتی ہوں لیکن صبور صبح 7، 8 بجے اٹھنے کی عادی ہے اور وہ اٹھنے کے ساتھ جب دل کرے کال کردیتی ہے۔

انہوں نے کہا کہ صبور کی جب پہلی بار کال آئی تو میں نے یہ سوچ کر کال ریسیو کرلی کہ کوئی پریشانی نہ ہوگئی ہو لیکن کال ریسیو کرنے کے بعد صبور نے مجھ سے سوال کیا کہ کیا کررہی ہوں، چلو ناشتہ کرنے جاتے ہیں۔

اداکارہ نے کہا کہ میں نے صبور کے ساتھ اتنی صبح ناشتے کے لیے جانے سے منع کیا لیکن اس کے مجبور کرنے پر چلی گئی مگر اگلے دن 8 بجے کال آئی تو میں نے وجہ پوچھی جس پر صبور نے بتایا کہ ایسے ہی کال کی تھی۔

جب ایک بار اٹھ جاؤں تو مجھے نیند نہیں آتی: کنزہ ہاشمی

یہ بھی پڑھیں

کنزہ ہاشمی نے مزید بتایا یہی سب جب 4 سے 5 بار ہوا تو میں نے صبور کو بلاک کرکے سونے کا سوچا اور اب میں روزانہ صبور کو بلاک کرکے سوتی ہوں کیوں کہ میں جانتی ہوں وہ صبح اٹھتے ہی کبھی بھی کال کرسکتی ہے اور جب میں ایک بار اٹھ جاؤں تو مجھے نیند نہیں آتی۔

خیال رہے کہ اداکارہ کنزہ ہاشمی اور اداکارہ صبور علی نہ صرف اچھی دوستیں ہیں بلکہ پڑوسی بھی ہیں۔