01 جولائی ، 2021 
عدالتی پابندی کے تناظر میں ٹک ٹاک ترجمان کا نیا بیان
01 جولائی ، 2021
سندھ ہائیکورٹ نے پاکستان بھر میں ٹک ٹاک پر پابندی عائد کردی تھی جس کے بعد ایپلی کیشن کے ترجمان کی جانب سے ایک اور بیان جاری کیا گیا ہے۔
اس سے قبل اپنے بیان میں ایپ کے ترجمان نے کہا تھا کہ ٹک ٹاک کے پاس جامع پالیسیاں ہیں جب کہ مواد کی خلاف ورزی سے متعلق ایکشن لینے کے لیے ٹیکنالوجی پر نظرثانی کی جارہی ہے۔
اب تازہ بیان میں ٹک ٹاک ترجمان نے کہا کہ ہماری کمیونٹی کی تخلیقی صلاحیتوں اور جذبے نے پورے پاکستان میں خوشی فراہم کرتے ہوئے باصلاحیت تخلیق کاروں کیلئے پلیٹ فارم فراہم کیا ہے۔
ترجمان کا کہنا تھا کہ ہم نے پاکستان کیلئے مقامی زبان کی ماڈریشن کی صلاحیت کو بڑھاتے ہوئے اپنی کمیونٹی گائیڈلائنز کی خلاف ورزی کرنے والے مواد پر نظرثانی کرتے ہوئے کارروائی کی ہے، ہمارا کام ریگولیٹرز کے ساتھ جاری ہے۔
ٹک ٹاک ترجمان نے مزید کہا کہ ہم پاکستان میں ایپ کے لاکھوں صارفین اور تخلیق کاروں کی خدمت کے منتظر ہیں جنہوں نے آنے والے کئی سالوں سے تخلیقی صلاحیتوں، تفریح اور اہم معاشی مواقع کے لیے اس پلیٹ فارم کا انتخاب کیا ہے۔
مزید خبریں :
بلیو اسکائی کے صارفین کی تعداد 2 کروڑ سے زائد ہوگئی
20 نومبر ، 2024
ایپل کا اب تک کا سب سے پتلا آئی فون
20 نومبر ، 2024
انسٹا گرام میں ایک بہت بڑی تبدیلی کر دی گئی
19 نومبر ، 2024
