عدالتی پابندی کے بعد ٹک ٹاک ترجمان کا بیان جاری

سندھ ہائیکورٹ کی جانب سے ملک بھر میں ٹک ٹاک پر پابندی عائد کرنے کے بعد ٹک ٹاک ترجمان کا بیان سامنےآگیا۔

ترجمان کی جانب سے کہا گیا ہےکہ ٹک ٹاک کے پاس ٹھوس پالیسیاں موجود ہیں جب کہ مواد کی خلاف ورزی سے متعلق ایکشن لینے کے لیے ٹیکنالوجی پر نظرثانی کا عمل بھی جاری ہے۔

ٹک ٹاک ترجمان کا کہنا تھاکہ ہم سب سے پہلے عدالتی کیس اور سندھ ہائیکورٹ کے فیصلے سے واقف ہوئے اور اب اس کے مضمرات پر غور کیا جارہا ہے۔

خیال رہے کہ گزشتہ روز سندھ ہائیکورٹ نے ٹک ٹاک بند کرنے سے متعلق درخواست کی سماعت کے دوران ملک بھر میں ٹک ٹاک پر پابندی عائد کردی تھی۔

اس سے قبل پشاور ہائیکورٹ نے بھی ٹک ٹاک پر پابندی عائد کردی تھی تاہم بعد میں یہ پابندی ہٹادی تھی۔

ٹک ٹاک پر پابندی عائد کرنے کیلئے سپریم کورٹ میں درخواست دائر

ٹک ٹاک پر ویوز لینے کیلئے لوگ خودکشی جیسے اقدامات کی ویڈیوز بھی بنا رہے ہیں: درخواستگزار

پاکستان میں ٹک ٹاک پر عائد پابندی ختم

ٹک ٹاک کو پاکستان میں کھول دیا جائے لیکن غیراخلاقی مواد اپلوڈ نہیں ہونا چاہیے: عدالت