طلاق کے بعد عامر خان کا کرن راؤ کے ہمراہ پہلا ویڈیو پیغام، ہاتھ تھام لیے

گزشتہ روز بالی وڈ سپر اسٹار عامر خان اور ان کی اہلیہ فلمساز کرن راؤ کی جانب سے کیے گئے طلاق کے اعلان کے بعد دونوں کی جانب سے پہلا ویڈیو پیغام جاری کیا گیا ہے۔

سوشل میڈیا پر  بھارتی میڈیا کی جانب سے عامر خان کی ایک ورچوئل انٹرویو کی ویڈیو شیئر کی گئی ہے، ویڈیو میں عامر خان کو کرن راؤ سے علیحدگی سے متعلق گفتگو کرتے دیکھا جاسکتا ہے۔

ویڈیو میں عامر خان مداحوں سے مخاطب ہوتے کہہ رہے ہیں کہ ہماری علیحدگی سے آپ لوگوں کو دکھ بھی ہوا ہوگا، صدمہ بھی اور اچھا بھی نہیں لگا ہوگا۔

بالی وڈ اسٹار عامر خان اور ان کی اہلیہ میں طلاق ہوگئی

عامر خان اور کرن راؤ کا طلاق سے متعلق ایک مشترکہ بیان سامنے آیا ہے

اداکار کا کہنا تھا کہ ہم بس آپ لوگوں کو اتنا کہنا چاہیں گے ہم بہت خوش ہیں اور ایک ہی خاندان ہیں، ہمارے رشتے میں تبدیلی آئی ہے لیکن ہم دونوں ایک دوسرے کے ساتھی ہیں لہٰذا  آپ لوگ ایسا کبھی مت سوچیے گا۔

مسٹر  پرفیکشنسٹ کا مزید کہنا تھا کہ ہماری فاؤنڈیشن آج بھی ہمارےے لیےاولاد (آزاد راؤ خان ) کی طرح ہے اسی لیے ہم ہمیشہ فیملی رہیں گے ہمارے لیے آپ دعا کیجیے کہ ہم خوش ہوں۔

عامر خان اور کرن راؤ میں علیحدگی کیوں ہوئی؟ قریبی دوست نے سب بتادیا

عامر خان اور ان کی اہلیہ کرن راؤ کی 15 سالہ رفاقت ختم ہوگئی، آج دونوں نے علیحدگی کا اعلان کیا ہے

خیال رہے کہ گزشتہ روز عامر خان اور کرن راؤ کی جانب سے علیحدگی سے متعلق جاری بیان میں کہا گیا تھا کہ اب ہم میاں بیوی نا ہونے کی حیثیت سے اپنی زندگی کا نیا باب شروع کرنے جارہے ہیں، لیکن بیٹے (آزاد راؤ خان) کے والدین کے طور پر ہم فیملی ہیں، ہم کافی عرصہ پہلے سے اس علیحدگی کے بارے میں سوچ رہے تھے لیکن اب یہ ہوچکی ہے۔

عامر خان کی علیحدگی پر فاطمہ ثناء شیخ کا بیان سامنے آ گیا

بہت سے لوگ جن سے میری آج تک کبھی ملاقات بھی نہیں ہوئی وہ بھی میرے بارے میں اس طرح کی باتیں لکھ رہے ہیں، انہیں بالکل نہیں معلوم کہ سچائی کیا ہے، فاطمہ ثناء شیخ

پیغام کے آخر میں درج تھا کہ یہ طلاق زندگی کا اختتام نہیں بلکہ ہمارے نئے سفر کا آغاز ہے۔

واضح رہے کہ عامر خان نے فلمساز کرن راؤ سے دوسری شادی 28 دسمبر 2005 میں کی تھی، دونوں کی ملاقات معروف فلم لگان کی شوٹنگ پر ہوئی تھی جہاں کرن بطور اسسٹنٹ ڈائریکٹر فرائض سرانجام دے رہی تھیں جب کہ عامر خان فلم میں مرکزی کردار نبھا رہے تھے۔