05 جولائی ، 2021
ہمیشہ اپنے بے باک بیانات کی وجہ سے خبروں کی زد میں رہنے والی متھیرا نے اداکاراؤں کے لباس پر تنقید کرنے والے صارفین کو آڑے ہاتھوں لیا ہے۔
متھیرا نے اپنی انسٹا گرام اسٹوری میں لکھا کہ ’کیوں لوگ دوسروں کے اسٹائل پر تنقید کرتے ہیں، خواتین کواپنی مرضی سے لباس زیب تن کرنے دیں۔‘
متھیرا نے مزید لکھا: 'اُن کا جسم ان کی مرضی، جو لباس پہن کر وہ خوشی محسوس کریں خواتین کو وہی لباس پہننا چاہیے۔‘
اُن کا کہنا تھا کہ لو گ گھر بیٹھ کر دوسروں کو تنقید کا نشانہ بناتے ہیں، انہیں چاہیے وہ اپنے کام سے کام رکھیں دوسروں کےمعاملات میں مداخلت نہ کریں۔
متھیرا نے صارفین سے درخواست کی کہ کےخود بھی جیو اور خواتین کو بھی اُن کی مرضی سے جینے دو۔
یاد رہے کہ گزشتہ شب ہم اسٹائل ایوارڈز کی تقریب میں شریک اداکاراؤں کے لباس پر سوشل میڈیا صارفین کی جانب سے کافی تنقید کی گئی تھی۔