06 جولائی ، 2021 
قومی نمبر ون بیڈمنٹن پلیئر مراد علی پر پابندی، پلوشہ کا کیس کمیٹی کے سپرد
06 جولائی ، 2021
پاکستان بیڈ منٹن فیڈریشن نے پاکستان کے نمبر ون بیڈمنٹن پلیئر مراد علی پر دو سال کی پابندی لگا دی ہے جبکہ سابق نیشنل چیمپئن پلوشہ بشیر کا کیس ڈسپلنری کمیٹی کے سپرد کر دیا ہے۔
پاکستان بیڈمنٹن فیڈریشن کی ایگزیکٹو کمیٹی کے اجلاس میں پلوشہ بشیر اور مراد علی کے بیانا ت کا تفصیلی جائزہ لیا گیا جو انہوں نے پانچ مرتبہ کی نیشنل چیمپئن ماحور شہزاد کے اولمپکس میں پاکستان کی نمائندگی کرنے سے متعلق دیے۔
اجلاس میں کھلاڑیوں کی رینکنگ کا جائزہ لیا گیا جس کے بعد کمیٹی نے مراد علی اور پلوشہ بشیر کے بیانات کو بے بنیاد قرار دیا۔
کمیٹی کا مزید کہنا تھا کہ انہوں نے اپنی رینکنگز اور ٹائٹل کے بارے میں غلط بیانی سے کام لیا ہے اور سوشل میڈیا کے ذریعے فیڈریشن اور ایتھلیٹس کو نیچا دکھانے کی کوشش کی۔
مراد علی کے ماضی کے واقعات کو مدنظر رکھتے ہو ئے دو سال کی پابندی لگائی گئی ہے جبکہ پلوشہ بشیر کا کیس ڈسپلنری کمیٹی کو بھیج دیا گیا ہے ، کمیٹی انکوائری کر کے رپورٹ ایک ماہ کے اندر پیش کرے گی۔
مزید خبریں :
سلیکشن کمیٹی کے بعد محمد یوسف کوچنگ سے بھی الگ ہوگئے
3 گھنٹے پہلے
روہت شرما کے ہاں بیٹے کی ولادت
12 گھنٹے پہلے
