دلیپ کمار کی وہ محبت جن سے وہ شادی نہ کرسکے

برصغیر کے لیجنڈ اداکار دلیپ کمار نے اداکارہ سائرہ بانو سے 1967 میں شادی کی۔

بھارتی میڈیا کے مطابق دلیپ کمار کی محبت بھارتی اداکارہ کامنی کوشل تھیں اور یہ محبت بالی وڈ فلم شہید کے سیٹ پر پروان چڑھی۔

بھارتی میڈیا کا کہنا ہےکہ ٹریجڈی کنگ دلیپ کمار اس محبت کو ازدواجی تعلق میں بدلنے کے حامی تھی لیکن اداکارہ کامنی کوشل کے بھائی اس رشتے کے مخالف تھے۔

بھارتی میڈیا کی رپورٹ میں بتایا گیا ہےکہ کامنی کوشل چونکہ اس وقت اپنی مرحوم بہن کے بچوں کی دیکھ بھال اور پرورش کی خاطر ان کے شوہر سےشادی کرچکی تھیں لہٰذا ان کے لیے اس رشتے سے باہر آنا خاصا مشکل تھا۔

بھارتی میڈیا کے مطابق کامنی کے بھائی نے دلیپ کمار کا اپنی بہن سے پیچھا چھڑوانے کے لیے اداکار کو دھمکیاں بھی دی تھیں۔

میڈیا رپورٹ میں بتایا گیا ہےکہ بھارتی مصنفوں کی جانب سے تو یہاں تک دعویٰ کیا گیا ہے کہ کامنی کوشل اور دلیپ کمار کی محبت کو ختم کرنے میں ناکامی کے بعد کامنی کے بھائی نے خود کو گولی مار کر خودکشی کرلی تھی۔

برصغیر کے عظیم اداکار دلیپ کمار انتقال کرگئے

98 سالہ دلیپ کمار کو گزشتہ روز سانس لینے میں دشواری کی وجہ سے ممبئی کے نجی اسپتال منتقل کیا گیا تھا

دلیپ کمار نے 50 سالہ کیرئیر میں 65 سے زائد فلموں میں کام کیا

لیجنڈ اداکار دلیپ کمار نے اپنے فلمی کیرئیر کا آغاز 1944 میں فلم ’جوار بھاٹا‘سے کیا