اعظم خان کا ڈیبیو: پاکستان کی نمائندگی کرنے والے باپ بیٹوں کی پانچویں جوڑی بن گئی

  مڈل آرڈر بیٹسمین اعظم خان  نے انگلینڈ کے خلاف ٹی ٹوئنٹی میچ سے اپنے انٹرنیشنل کیریئر کا آغاز کردیا ہے۔

 معین خان اور اعظم خان ، پاکستان کی نمائندگی کرنیوالے باپ بیٹوں کی پانچویں جوڑی بن گئی ہے۔

اس سےقبل نذر محمد اور ان کے بیٹے مدثر نذر، ماجد خان اور ان کے بیٹے بازید خان بھی پاکستان کیلئے کھیل چکے ہیں۔

پہلا ٹی ٹوئنٹی، انگلینڈ کا پاکستان کیخلاف ٹاس جیت کر بولنگ کا فیصلہ

ناٹنگھم میں کھیلے جارہے پہلے ٹی ٹوئنٹی میچ میں انگلش ٹیم کے کپتان نے ٹاس جیت کر پاکستان کو پہلے بیٹنگ کی دعوت دی ہے

حنیف محمد اور ان کے صاحبزادے شعیب محمد نے بھی پاکستان کی نمائندگی کی جبکہ لیجنڈری اسپنر عبدالقادر کے بیٹے عثمان قادر بھی پاکستانی اسکواڈ کا حصہ رہے۔

اس مو قع پر اعظم خان کا کہنا تھا کہ  پاکستان کے لیے پہلی مرتبہ میدان میں اترنا ہمیشہ یادگار رہے گا ۔

نوجوان بیٹسمین کا  مزید کہنا تھا کہ  میں بہت خوش ہوں اور مثبت سوچ کے ساتھ میدان میں اتروں گا اس کے علاوہ اپنےوالد کے نقش قدم پر چلنے کی کوشش کروں گا۔