18 جولائی ، 2021 
سلمان خان کے اسٹائلسٹ کا جلد کترینہ کی شادی کا اشارہ
18 جولائی ، 2021
بالی وڈ اداکار سلمان خان کے اسٹائلسٹ اور بالی وڈ باربی گرل کترینہ کیف کے بہت اچھے دوست ایشلے ریبیلو نے اداکارہ کی شادی سے متعلق اشارہ دے دیا۔
سوشل میڈیا پلیٹ فارم انسٹاگرام پر ایشلے ریبیلو کی جانب سے کترینہ کو ان کی حال ہی میں منائی جانے والی سالگرہ کی مبارکباد دینے کے لیے ایک اسٹوری شیئر کی گئی۔
شیئر کی گئی اسٹوری میں کترینہ کو سفید رنگ کا خوبصورت عروسی گاؤن پہنے دیکھا جاسکتا ہے، زیر نظر تصویر دراصل بالی وڈ فلم بھارت کے اسٹیج کی ہے۔
ایشلے ریبیلو نے کترینہ کو سالگرہ کی مبارکباد دیتے ہوئے کیپشن درج کیا کہ سالگرہ مبارک ہو ، شاید جلد یہ حقیقت ہو جائے۔
بعد ازاں کترینہ کی جانب سے سالگرہ کی مبارکباد دینے پر ایشلے ریبیلو کا شکریہ بھی اداکیا گیا۔
بھارتی میڈیا رپورٹس میں ایشلے ریبیلو کی مبارکباد اور خواہش کو کترینہ کیف اور وکی کوشل کی جلد شادی کا اشارہ قرار دیا جارہا ہے، افواہیں زیر گردش ہیں کہ اداکارہ جلد ہی وکی کوشل کے ہمراہ رشتہ ازدواج میں منسلک ہونے جا رہی ہیں۔
خیال ر ہے کہ بالی وڈ اداکار وکی کوشل اور کترینہ کیف کے درمیان تعلقات کے حوالے سے کچھ عرصے سے خبریں سامنے آرہی ہیں۔
مزید خبریں :
امریکی اداکار جان کراسنسکی سال 2024 کے پرکشش مرد قرار
13 نومبر ، 2024
امیتابھ بچن کا نمرت کور کو لکھا گیا خط وائرل، خط میں کیا لکھا؟
13 نومبر ، 2024
سلمان خان کو دھمکی دے کر 5 کروڑ مانگنے والا نغمہ نگار گرفتار
13 نومبر ، 2024
اداکارہ ہانیہ عامر نے شاہ رخ خان سے ملاقات کی خواہش کردی
13 نومبر ، 2024
