ویڈیو: ضعیف شہری ٹرین کے نیچے آنے کے باوجود معجزانہ طور پر بچ گیا

دنیا بھر میں ایسے متعدد واقعات رپورٹ ہوتے رہتے ہیں جس کے تحت کئی لوگ موت کے منہ میں جاکر بھی زندہ وسلامت واپس لوٹ آتے ہیں جب کہ گزشتہ روز ایک ایسا ہی واقعہ بھارتی شہر ممبئی کے علاقے کلیان ریلوے ٹریک پر پیش آیا۔

بھارتی میڈیا کے ٹوئٹر اکاؤنٹ پر ایک 70 سالہ ضعیف شخص کی ویڈیو شیئر کی گئی ہے جس میں دیکھاجاسکتا ہے کہ ریلوے انتظامیہ کے چند لوگ ایک شخص کو ٹرین کے نیچے سے نکالنے کی کوشش کررہے ہیں، تھوڑے سے سہارے سے اس شخص کو ٹرین کے نیچے سے زندہ وسلامت بھی نکلتے دیکھا جاسکتا ہے۔

بھارت کے سینٹرل ریلوے کی جانب سے جاری پریس ریلیز کے مطابق ضعیف شخص کے ریلوے ٹریک پر گرنے کا واقعہ اتوار کی دوپہر 12 بجے کے بعد پیش آیا، پلیٹ فارم نمبر 4 سے اپنی منزل کے لیے رواں دواں تھی کہ عین اسی لمحے 70 سالہ ہری شنکر ریلوے ٹریک سے گزرتے وقت گر کر ٹرین کے نیچے پھنس گئے، تاہم اگر ریلوے ڈرائیور اسی لمحے ایمرجنسی بریک نہ لگاتا تو ہری شنکر لمحوں میں ریل کے نیچے آکر جاں بحق ہوجاتے۔

بعد ازاں لوگوں نے مل کر شہری ہری شنکر کو ریل کے نیچے سے نکلنے میں مدد دی۔

 رپورٹ میں بتایا گیا ہے شہری کے گرنے کے بعد انتظامیہ کی جانب ٹریک کو عوام کے لیے بند کردیا گیا ہے۔

دوسری جانب ایمرجنسی بریک لگانے والے دونوں انجن ڈرائیورز کے لیے 2000 بھارتی روپے کیش انعام کا بھی اعلان کیا گیا ہے۔ 

ویڈیو: 9ویں منزل سے گرنے والی خاتون معجزانہ طور پر بچ گئی

خاتون کے گرنے کا واقعہ بھارت کے شہر غازی آباد میں پیش آیا

ویڈیو: 6000 فٹ کی بلندی سے گرنے والی خواتین معجزانہ طور پر بچ گئیں

مذکورہ واقعہ جھولے کی پول سے ٹکر کے باعث پیش آیا جس کے نتیجے میں دونوں خواتین پھسل کر نیچے جاگریں۔