26 جولائی ، 2021 
'بیٹے کو ایسا مرد بناؤں گی جس کے ساتھ عورت خود کو محفوظ سمجھے گی'
26 جولائی ، 2021
اداکارہ یاسرہ رضوی نے حال ہی میں خواتین پر ہونے والے مظالم اور گھریلو تشدد کے سنگین واقعات کے تناظر میں بیٹے کی تربیت سے متعلق بات کی۔
یاسرہ نے اپنے انسٹاگرام اکاؤنٹ پر بیٹے کی تصویر شیئر کی جس پر طویل کیپشن درج تھا۔
اداکارہ نے لکھا کہ میں عہد کرتی ہوں کہ بیٹے کی ایسی تربیت کروں گی کہ وہ مہربان، دوسروں کا احساس کرنیوالا، انصاف پسند، عزت کرنے والا اور ہمدرد ہوگا۔ اسے ایک ایسا مرد بناؤں گی جس کے ساتھ خواتین، بچے، ٹرانسجینڈرز، دوسرے مرد، جانور اور ہر جاندار خود کو محفوظ سمجھے گا۔
اداکارہ نے کہا کہ ایسا نہیں ہوگا کہ اگر یہ مرد ہے تو اس کے پاس دوسروں کو ہراساں کرنے کا لائسنس ہوگا، اس کے اندر یہ احساس پیدا کروں گی کہ انسان کی جان کس قدر قیمتی ہے۔
یاسرہ نے اپنی پوسٹ میں لکھا کہ میں اسے سکھاؤں گی کہ مرد ہونے کا یہ مطلب نہیں کہ آپ کچھ بھی کرسکتے ہیں بلکہ یہ ایک بڑی ذمہ داری ہے، کسی کی رضامندی کے بغیر اسے ہاتھ لگانا یا اس سے بات کرنا صحیح نہیں ہے۔
اداکارہ نے اپنی پوسٹ کے اختتام پر لکھا کہ معاشرے کو محفوظ بنانے کیلئے اب یہ اہم ہے کہ مجھ سمیت ہر ماں اپنے بیٹوں کی پرورش پر محتاظ انداز میں زیادہ توجہ دے اور ان کی درست انداز میں نگرانی کرے۔
یاسرہ کی پوسٹ پر شوبز کی کئی شخصیات نے اپنے تبصرے پیش کرتے ہوئے ان کی سوچ کو سراہا اور تمام ماؤں کو یاسرہ کے نقشِ قدم پر چلنے کا مشورہ بھی دیا۔
مزید خبریں :
پاکستانی گلوکار مجھ سے جلتے ہیں:چاہت فتح علی خان
1 گھنٹے پہلے
میرے نزدیک دوستی ضروری، شادی بیکار کام ہے: جاوید اختر
25 نومبر ، 2024
اہلیہ ایشوریا کیلئے ابھیشیک کے بیان نے مداحوں کو حیران کردیا
25 نومبر ، 2024
