ٹوکیو اولمپکس میں منگل کو پاکستان کے دو ایتھلیٹس ایکشن میں دکھائی دیں گے

ٹوکیو اولمپکس میں منگل کو  پاکستان کے دو  ایتھلیٹس ایکشن میں ہوں گے، ماحور شہزاد بیڈمنٹن اور حسیب طارق سوئمنگ کے مقابلوں میں دکھائی دیں گے۔

جاپان کے شہر ٹوکیو میں جاری اولمپکس میں منگل کو پاکستانی ایتھلیٹس کل سوئمنگ اور بیڈمنٹن کے مقابلوں میں ایکشن میں ہوں گے۔

25 سالہ سوئمر حسیب طارق مردوں کی 100 میٹر فری اسٹائل ہیٹس میں ایکشن میں ہوں گے ۔ 

ٹوکیو اولمپکس، ویٹ لفٹر طلحہ نے شاندار مقابلہ کرکے پاکستانیوں کے دل جیت لیے

طلحہ نے اسنیچ کیٹیگری میں 150 کلو اور کلین اینڈ جرک میں 170 کلو وزن اُٹھایا لیکن 2 کلو وزن کم اٹھانے پر وہ میڈل سے محروم رہے

 حسیب طارق کی ہیٹ پاکستانی وقت کے مطابق دن3 بجکر 04 منٹ پر شروع ہوگی۔

اگر مجموعی ہیٹس میں حسیب ٹاپ 16 میں جگہ بنانے میں کامیاب ہوتے تو وہ سیمی فائنل تک کوالیفائی کریں گے۔

 دوسری جانب بیڈمنٹن میں ماحور شہزاد اپنا دوسرا گروپ میچ کھیلیں گی، ویمنز سنگلز کے گروپ ایل میں ماحور شہزاد اور کرسٹی گلمور کے درمیان میچ صبح 10 بجے شروع ہوگا۔