29 جولائی ، 2021 
پاکستان
فوٹو: فائل
وزیر اعلیٰ بلوچستان کا مکران میں بجلی کی عدم دستیابی پر وزیراعظم کو خط
29 جولائی ، 2021
وزیراعلیٰ بلوچستان جام کمال خان نے مکران ڈویژن میں بجلی کی عدم دستیابی پر وزیراعظم عمران خان کو خط لکھ دیا۔
وزیراعلیٰ جام کمال کی جانب سے وزیراعظم عمران خان کو لکھے گئے خط میں ایرانی حکام سے بجلی کی فراہمی کا مسئلہ اٹھانے اور مکران ڈویژن کو نیشنل گرڈ سے منسلک کرنے کے لیے طریقہ کار بنانے کا مطالبہ کیا گیا ہے۔
خیال رہے کہ گزشتہ روز بجلی کی عدم دستیابی پر بلوچستان کے ضلع کیچ میں شہریوں کی جانب سے مظاہرہ کیا گیا، مظاہرین نے کمشنر اور ڈپٹی کمشنر مکران کے دفاتر پر دھاوا بھی بولا تھا۔
مظاہرین کی جانب سے ضلع کیچ میں بجلی کے بحران کا مسئلہ فوری طور پر حل کرنے کا مطالبہ کیا گیا۔
