نو عمر انسٹاگرام صارفین کے اکاؤنٹ میں تبدیلی

مقبول سوشل میڈیا ایپلیکیشن انسٹاگرام نے  16 سال سے کم عمر صارفین کے  انسٹا گرام اکاؤنٹ کو  پرائیوٹ کرنے کا اعلان کردیا۔

اکاؤنٹ پرائیوٹ ہونے کی وجہ سے  صارف کی جانب سے   منتخب شدہ فالورز کو ہی لائک اور کمنٹس کرنے کا اختیار ہوگا۔

’انسٹاگرام کی جانب سے ڈیسک ٹاپ صارفین کے لیے اہم فیچر کی آزمائش‘

اس تجربے کو بہتر بنانے کے لیے ہم ڈیسک ٹاپ براؤزر کے ذریعے انسٹاگرام فیڈ کو بہتر بنانے کی جانچ کررہے ہیں :فیس بک کی ترجمان

اس سے قبل انسٹاگرام  پر  تمام صارفین کے اکاؤنٹس پہلے سے  ہی  پبلک  ہو تےتھے اور صارف اپنی مرضی سے اپنا اکاؤنٹ پرائیوٹ کرسکتا تھا۔

لیکن  اب 16 سال سے کم عمر  انسٹاگرام استعمال کرنے والے صارفین کا اکاؤنٹ خود بخود ہی  پرائیوٹ ہو جائےگا۔

انسٹاگرام کے  ترجمان کا کہنا ہے ہم نے نوجوانوں کو  پرائیوٹ اور پبلک اکاؤنٹ  میں سے ایک منتخب کرنے کو کہا ، ہماری تحقیق کے مطابق  نوجوانوں نے  پرائیوٹ اکاؤنٹ کے استعمال کو زیادہ پسند کیا۔

انسٹاگرام کی جانب سے  نوعمر صارفین  کے تحفظ کیلئے متعدد  اقدامات کیے جارہے ہیں ۔ اس سے قبل  انسٹاگرام نے   اعلان کیا تھا کہ  نوعمر صارفین کو صرف وہ لوگ ہی میسج کر سکتے ہیں  جنہیں وہ فالو کرتے ہیں۔