کنگنا رناوت کو کس بھارتی ہدایتکار نے ’چپل‘ ماری تھی؟

بالی وڈ اداکارہ کنگنا رناوت کی بڑی بہن رنگولی چنڈل نے انکشاف کیا ہے کہ ان کی بہن کو ایک معروف بھارتی  ڈائریکٹر نے چپل پھینک کر ماری تھی۔

کنگنا رناوت بالی وڈ کی ایسی شخصیت ہیں جنہیں فلم انڈسٹری کی معروف شخصیات کے خلاف متنازع بیانات دینے کے حوالے سے جانا جاتا ہے اور  اکثر اوقات ان کی بہن بھی ان تنازعات میں کود پڑتی ہیں۔

کنگنا کو گرفتاری سے بچنے کیلئے آخری مہلت- Geo News Urdu

ماضی میں رنگولی چنڈل نے معروف ڈائریکٹر مہیش بھٹ کی صاحب زادی اداکارہ عالیہ بھٹ اور اہل خانہ پر تنقید کرچکی ہیں۔

2019 میں مہیش بھٹ کی اہلیہ سونی راز دان نے ایک ٹوئٹ کی تھی جس میں انہوں کہا تھا کہ ان کے شوہر نے کنگنا رناوت کو بالی وڈ میں بڑا موقع فراہم کیا اور وہ ان کے شوہر اور بیٹی کو ہی نشانہ بنارہی ہیں۔

سونی راز دان کے اس بیان پر رنگولی چنڈل نے ردعمل دیتے ہوئے دعویٰ کیا کہ 2006 میں ’ وہ لمحے‘ نامی فلم کی اسکریننگ کے دوران مہیش بھٹ نے کنگنا کو چپل پھینک کر ماری تھی۔

بھارتی فلم انڈسٹری کی دو بڑی اداکارائیں ایک بار پھر آمنے سامنے

سوشل میڈیا پر متحرک بالی وڈ اداکارہ کنگا رناوت نے ایک بار پھر اپنی توپوں کا رخ امریکا میں اپنا زیادہ وقت گزارنے والی پریانکا چوپڑا کی جانب کردیا ہے

سوشل میڈیا پر ایک بیان میں اداکارہ کی بہن کا کہنا تھا کہ مہیش بھٹ نے کبھی کنگنا کو بریک نہیں دیا بلکہ انوراگ باسو نے دیا، مہیش بھٹ اس وقت پروڈکشن ہاؤس کے مالک نہیں بلکہ تخلیقی ہدایت کا رکے طور پر وہاں کام کرتے تھے اور فلم ’وہ لمحے‘ کے بعد اداکارہ نے وہاں کام کرنے سے انکار کردیا تھا لیکن جب کنگنا فلم کے پریمیئر کے لیے تھیٹر گئیں تو مہیش بھٹ نے انہیں چپل پھینک کر ماری اور انہیں پریمیئر میں شرکت کی اجازت نہیں دی۔