16 اگست ، 2021 
ویڈیو: کابل ائیرپورٹ اور شہر میں افراتفری کے مناظر
16 اگست ، 2021
افغان دارالحکومت کابل پر طالبان کے کنٹرول کے بعد ملک میں افراتفری کا عالم ہے۔
سوشل میڈیا پر کابل شہر اور ائیر پورٹ کے کچھ مناظر سامنے آئے ہیں جس میں دیکھا جاسکتا ہے کہ شہر میں کس قسم کی افراتفری برپا ہے، طالبان کے کنٹرول کے بعد لوگ شہر کو جلد از جلد چھوڑنا چاہتے ہیں۔
کابل کی سڑکوں پر گاڑیوں کی طویل قطاریں لگی ہوئی ہیں۔
تصاویر اور ویڈیوز سے اس بات کا اندازہ لگانا مشکل نہیں کہ شہر کی صورتحال کتنی بدترین ہے۔ لوگ گاڑیوں میں اپنے گھر کا قیمتی سامان ائیرپورٹ کی جانب لے جارہے ہیں جب کہ شہر میں شدید نوعیت کا ٹریفک جام بھی ہے۔
دوسری جانب کابل ائیرپورٹ پر بھی لوگوں کا جمِ غفیر ہے جب کہ سکیورٹی اور دیگر عملہ وہاں موجود ہی نہیں ہے۔
خیال رہے گزشتہ روز افغانستان سے دو خصوصی پروازیں بڑی تعداد میں غیرملکیوں کو لے کر پاکستان پہنچی تھیں جس میں افغان حکام بھی شامل تھے جب کہ آج پی آئی اے نے سکیورٹی خدشات کے باعث اپنا آپریشن معطل کردیا ہے۔
مزید خبریں :
دمشق ائیرپورٹ کا فضائی آپریشن بحال ہوگیا
4 گھنٹے پہلے
سعودی عرب نے کابل میں دوبارہ اپنے سفارتی مشن کا آغاز کردیا
23 دسمبر ، 2024
