16 اگست ، 2021 
دنیا
کابل ائیرپورٹ پر ہجوم کو منتشر کرنے کیلئے امریکی فوجیوں کی جانب سے فائرنگ کی گئی: غیرملکی خبر ایجنسی— فوٹو: اے ایف پی
کابل ائیرپورٹ پر امریکی فوجیوں کی فائرنگ، 5 افراد ہلاک
16 اگست ، 2021
کابل ائیرپورٹ پر امریکی فوج کے اہلکاروں کی فائرنگ سے 5 افراد ہلاک ہو گئے۔
غیر ملکی میڈیا کے مطابق کابل ائیرپورٹ پر افغانستان چھوڑنے والے افراد کے ہجوم کو منتشر کرنے کے لیے امریکی فوجیوں کی جانب سے فائرنگ کی گئی۔
خبر ایجنسی کے مطابق امریکی فوجی اہلکاروں کی فائرنگ سے 5 افراد ہلاک ہو گئے۔
دوسری جانب عینی شاہدین کا بتانا ہے کہ پانچ افراد کی لاشوں کو ایک گاڑی میں کابل ائیرپورٹ سے لے جایا گیا تاہم یہ واضح نہیں ہو سکا کہ آیا پانچوں افراد فائرنگ سے ہلاک ہوئے یا پھر بھگدڑ مچنے سے۔
خیال رہے کہ افغانستان میں طالبان کے کنٹرول کے بعد بڑی تعداد میں غیر ملکی شہری اور سفارتی عملہ کابل ائیرپورٹ پر پہنچ گیا جس کی ویڈیو سوشل میڈیا پر وائرل ہو رہی ہے۔
