18 اگست ، 2021 
طالبان جنگ جیت چکے ہیں، ہمیں ان سے بات کرنا پڑے گی، یورپی یونین
18 اگست ، 2021
یورپی یونین نے افغان عوام کے لیے انسانی بنیادوں پر امداد جاری رکھنے کا اعلان کیا ہے۔
یورپی یونین کی خارجہ پالیسی کے سربراہ جوزف بورل کا کہنا ہےکہ طالبان رہنماؤں سے معاملات واضح نہ ہونے تک افغانستان کی ترقیاتی امداد معطل رہے گی تاہم افغان عوام کےلیے انسانی بنیادوں پر امداد جاری رہےگی۔
ان کا مزید کہنا تھا کہ ہمیں جتنا جلد ممکن ہو طالبان سے بات کرنا پڑے گی کیونکہ وہ افغانستان میں جنگ جیت چکے ہیں۔
جوزف بورل نےکہا ہےکہ طالبان حکومت کو تسلیم نہ کریں پھر بھی افغان عوام کے لیے طالبان سے بات کرنا پڑے گی ۔
ان کا مزید کہنا تھا کہ ہم سے افغان فوج کی طالبان سے لڑنے کی صلاحیت جانچنے میں غلطی ہوئی ہے۔
انہوں نے طالبان پر زور دیا کہ وہ انسانی حقوق کا احترام کریں اور افغان عورتوں کوخاص طورپر تحفظ دیاجائے۔
مزید خبریں :
ایک اورکشمیری نژاد پاکستانی برطانیہ میں لارڈ بن گیا
2 گھنٹے پہلے
اسرائیل نے اسماعیل ہنیہ کو شہید کرنے کا اعتراف کرلیا
6 گھنٹے پہلے
