19 اگست ، 2021 
افغانستان: طالبان کی گھر گھر جاکر شہریوں کو ملازمتوں پر جانے کی ہدایت
19 اگست ، 2021
افغانستان میں طالبان کی جانب سے شہریوں کو ملازمتوں پر جانے کی ہدایت کی گئی ہے۔
خبر ایجنسی رائٹرز کے مطابق کابل پر کنٹرول کے بعد افغان طالبان نے ملکی معیشت کو مستحکم کرنے کا اعلان کیا تھا جس کے بعد اب طالبان نے گھر گھر دستک دے کر غیر یقینی صورتحال سے پریشان شہریوں کو اپنے اپنے کاموں پر جانے کی ہدایات دینا شروع کردی ہیں۔
رائٹرز کے مطابق ہرات کی رہائشی خاتون نے بتایا کہ ان کے گھر تین مسلح طالبان جنگجوؤں نے دستک دی اور ان سے ذاتی معلومات لیں جس میں ان کی ملازمت، ادارے اور تنخواہ کے بارے میں پوچھا گیا جس کے بعد انہیں ملازمت پر جانے کی ہدایت کی گئی۔
رائٹرز کے مطابق متعدد شہریوں کا کہنا ہےکہ گزشتہ 24 گھنٹوں میں طالبان نمائندوں نے کابل، لشکر گاہ اور مزار شریف شہر کے گھروں کا غیر اعلانیہ دورہ کیا جس میں طالبان نے شہریوں کو ملازمتوں پر واپس جانے کے لیے ان کی حوصلہ افزائی کی ۔
رائٹرز کا کہنا ہےکہ اس سلسلے میں طالبان ترجمان کی جانب سے فوری طور پر کوئی رد عمل نہیں دیا گیا ہے۔
افغانستان کی صورتحال
خیال رہے کہ طالبان نے اتوار 15 اگست 2021 کو افغان دارالحکومت کابل پر بھی قبضہ کرلیا جس کے بعد وہاں موجود امریکی فوجی اور افغان صدر اشرف غنی سمیت متعدد اہم حکومتی عہدے دار ملک سے فرار ہوگئے ہیں۔
کابل میں اب صورتحال معمول پر ہے اور سڑکوں پر ٹریفک رواں دواں ہے جب کہ مارکیٹیں معمول کے مطابق کھل چکی ہیں۔
مزید خبریں :
دبئی میں لاپتہ اسرائیلی مذہبی رہنما کی لاش مل گئی
10 گھنٹے پہلے
اسرائیل نے لبنانی فوج کے اڈے کو نشانہ بنانے پر معافی مانگ لی
24 نومبر ، 2024
ایلون مسک کی دولت ریکارڈ 348 ارب ڈالرز تک پہنچ گئی
24 نومبر ، 2024
