21 اگست ، 2021 
کھیل
پاکستان اور افغانستان ون ڈے سیریز کے انعقاد کیلیے مثبت اشارے ملنے لگے
21 اگست ، 2021
پاکستان اور افغانستان ون ڈے سیریز کے انعقادکےلیے مثبت اشارے ملنے لگے ہیں، افغانستان کرکٹ بورڈ نے ٹیم اور لاجسٹک مسائل کے حل کے لیے متبادل سفری انتظامات کرنا شروع کردیے ہیں۔
ذرائع کے مطابق افغانستان کے متبادل ٹریول پلان میں براستہ پاکستان سفر بھی شامل ہے، جس کی دستاویزات تیارکی جا رہی ہے۔
خیال رہےکہ پاکستان اور افغانستان کے درمیان تین ون ڈے میچز کی سیریز 3 سے 9 ستمبرکے درمیان سری لنکا میں ہونی ہے جس کی میزبانی افغانستان نے کرنی ہے۔
ذرائع کا کہنا ہے کہ اگلے ماہ شیڈول ون ڈے سیریز کی حتمی تاریخوں کا اعلان جلد متوقع ہے۔
دوسری جانب سیریز کی تیاری کے لیے پاکستان کرکٹ ٹیم کا ٹریننگ کیمپ 21 اگست سے شروع ہوگا۔
مزید خبریں :
سلیکشن کمیٹی کے بعد محمد یوسف کوچنگ سے بھی الگ ہوگئے
8 گھنٹے پہلے
