22 اگست ، 2021 
بھارت کا طالبان پر 150 شہریوں کے اغوا کے الزام کا بھانڈا پھوٹ گیا
22 اگست ، 2021
کابل: بھارت کی جانب سے طالبان پر 100 سے زائد بھارتی شہریوں کے اغوا کے الزام کا بھانڈا پھوٹ گیا۔
بھارتی میڈیا کی جانب سے دعویٰ کیا جا رہا تھا کہ گزشتہ روز کابل ائیر پورٹ سے طالبان نے 150 بھارتی شہری جو اپنے وطن واپس آنے کیلئے وہاں موجود تھے، انہیں اغوا کر لیا تاہم یہ تمام دعوے جھوٹے اور بے بنیاد ثابت ہوئے۔
افغان میڈیا کے مطابق طالبان ترجمان احمد اللہ واسق نے اس خبر کی تردید کرتے ہوئے کہا کہ کابل کے حامد کرزئی ائیر پورٹ سے کسی کو اغوا نہیں کیا گیا جس کی تصدیق بعدازاں بھارتی میڈیا نے بھی کی۔
خیال رہے کہ افغانستان پر طالبان کے مکمل کنٹرول کے بعد بھارت نے کابل میں اپنا سفارتخانہ اور قونصل خانے بند کر دیے ہیں۔
اس سے قبل بھارت نے طالبان پر قندھار اور ہرات میں بند قونصل خانوں کی تلاشی لینے اور وہاں پارک گاڑیاں ساتھ لے جانے کا الزام بھی عائد کیا تھا۔
مزید خبریں :
ڈونلڈ ٹرمپ نے اسکاٹ بیسنٹ کو وزیر خزانہ نامزد کردیا
1 گھنٹے پہلے
غزہ پر اسرائیلی بمباری سے مزید 38 فلسطینی شہید
3 گھنٹے پہلے
مزید 2 ممالک آئندہ سال شینگن ممالک کا حصہ بننے کو تیار
22 نومبر ، 2024
حزب اللہ کے راکٹ حملے میں اسرائیلی شہری ہلاک
22 نومبر ، 2024
