24 اگست ، 2021 
کابل سے انخلاء: امریکی طیاروں میں 3 بچوں کی پیدائش
24 اگست ، 2021
افغانستان میں امریکی ائیر بیس کی نگرانی کرنے والے امریکی کمانڈر نے کابل سے انخلاء کی پروازوں میں 3 بچوں کی پیدائش کا انکشاف کیا ہے۔
غیر ملکی صحافیوں سے گفتگو کرتے ہوئے امریکی جنرل اسٹیو نے یہ انکشاف کیا کابل سے انخلاءکی پروازوں میں پیدا ہونے والے بچوں کی تعداد 3 ہے۔
جنرل اسٹیو کا کہنا تھا کہ یہ ایک ناقابل یقین آپریشن ہے جو جاری ہے اور ہمارے پائلٹوں کا متاثر کن کام قابل ستائش ہے۔
امریکی جنرل نے مزید بتایا کہ امریکا کے پاس ہر فلائٹ کے لیے طبی عملہ نہیں ہوتا لہٰذا انخلاء کرنے والے افراد طیارے میں سوار ہونے سے قبل طبی معائنہ کراتے ہیں۔
خیال رہے کہ طالبان کے افغانستان پر مکمل کنٹرول کے بعد افغان شہریوں سمیت غیر ملکیوں کا انخلا جاری ہے، اسی انخلا کے دوران حال ہی میں امریکی فوجی طیارے میں سوار ایک افغان خاتون نے جرمنی کی ائیر بیس پر بچی کو جنم دیا تھا۔
مزید خبریں :
مزید 2 ممالک آئندہ سال شینگن ممالک کا حصہ بننے کو تیار
10 گھنٹے پہلے
حزب اللہ کے راکٹ حملے میں اسرائیلی شہری ہلاک
22 نومبر ، 2024
چچا کے تھپڑ مارنے پر 3 سالہ بھتیجی جان سے چلی گئی
22 نومبر ، 2024
