28 اگست ، 2021 
ایپل کمپنی کے'سی ای او' کو 75 کروڑ ڈالرز کا بونس مل گیا
28 اگست ، 2021
معروف ٹیکنالوجی کمپنی ایپل کے چیف ایگزیکٹو آفیسر (سی ای او) ٹم کک کو 75 کروڑ ڈالرز کا بونس دیا گیا ہے جو امریکی کمپنی میں ان کی 10 سالہ شاندار کارکردگی کو ظاہر کرتا ہے۔
غیر ملکی میڈیا کے مطابق ٹم کک کو یہ بونس 50 لاکھ ایپل شیئرز کی صورت میں دیا گیا ہے۔
ایپل کمپنی کی جانب سے ٹم کک کو دیا گیا بونس 2011 میں نافذ اس ’اسٹاک آپشن پلان‘ کو ظاہر کرتا ہے جب ٹم کک نے ایپل کے شریک بانی اسٹیو جابز کی موت سے کچھ دیر قبل سی ای او کا عہدہ سنبھالا تھا۔
ٹم کک کے سی ای او بننے کے بعد ایپل کمپنی کی مارکیٹ ویلیو آسمان کو چھونے لگی اور آج کمپنی کے اثاثے تقریباً 24 کھرب ڈالرز سے زیادہ ہیں۔
اسٹاک ایوارڈ میں ایپل کی کارکردگی کی بنیاد پر دیے گئے 11 لاکھ شیئرز اور39 لاکھ ٹائم بیسڈ شیئرز شامل ہیں جو ٹم کک کو بونس کی صورت میں ملے ہیں۔
ٹم کک اس وقت بھی ایپل کے 32 لاکھ شیئرز کے مالک ہیں جن کی مالیت 48کروڑ ڈالرز سے زیادہ ہے جبکہ فوربز میگزین کے مطابق ٹم کک کے اثاثوں کی مجموعی مالیت تقریباً ایک ارب ڈالرز سے زائد ہے۔
مزید خبریں :
ناسا کا پارکر مشن سورج کے قریب ترین جانے میں کامیاب
5 گھنٹے پہلے
گوگل والٹ پیمنٹ سسٹم پاکستان آنے کیلئے تیار
6 گھنٹے پہلے
انسٹا گرام میں ایک دلچسپ فیچر کا اضافہ
24 دسمبر ، 2024
50 ہزار سال سے برف میں صحیح حالت میں منجمد اونی میمتھ دریافت
24 دسمبر ، 2024
ملک میں انٹرنیٹ اسپیڈ بڑھانے کیلئے جدید کیبل آج منسلک ہوگی
24 دسمبر ، 2024
