28 اگست ، 2021 
امریکا کا افغانستان میں ڈرون حملہ، کابل دھماکے کے منصوبہ ساز کی ہلاکت کا دعویٰ
28 اگست ، 2021
کابل ائیرپورٹ پر خودکش دھماکے کے بعد امریکا نے ایک بار پھر افغانستان پر فضائی حملہ کر کے ائیرپورٹ حملے کے منصوبہ ساز کی ہلاکت کا دعویٰ کیا ہے۔
امریکی سینٹرل کمانڈ کے ترجمان کا کہنا ہے فورسز نے افغان صوبے ننگرہار میں داعش جنگجوؤں کے ٹھکانے پر ڈرون حملہ کیا، حملے میں داعش خراسان سے تعلق رکھنے والا کابل ائیرپورٹ حملے کا منصوبہ ساز مارا گیا، حملے میں کسی عام شہری کا جانی نقصان نہیں ہوا۔
خیال رہے کہ تین روز قبل کابل ائیرپورٹ پر ہونے والے دھماکے میں اب تک 13 امریکی فوجیوں سمیت 170 افراد کی ہلاکت کی تصدیق ہو چکی ہے جبکہ 100 سے زائد زخمی اسپتالوں میں زیر علاج ہیں۔
کابل ائیرپورٹ پر حملے کی ذمہ داری داعش نے قبول کرتے ہوئے کہا تھا کہ حملہ آور امریکی فورسز کا سکیورٹی حصار توڑتے ہوئے 50 میٹر اندر گیا اور خود کو بارودی مواد کی مدد سے اڑا دیا۔
امریکا کے صدر جوبائیڈن نے کابل ائیر پورٹ پر خودکش حملے کا ذمہ دار داعش خراسان کو قرار دیتے ہوئے اس کی قیادت پر حملوں کا حکم دیا تھا۔
مزید خبریں :
یواے ای میں اسرائیلی مذہبی رہنما کے قتل کے شبے میں 3 افرادگرفتار
25 نومبر ، 2024
دبئی میں لاپتہ اسرائیلی مذہبی رہنما کی لاش مل گئی
24 نومبر ، 2024
اسرائیل نے لبنانی فوج کے اڈے کو نشانہ بنانے پر معافی مانگ لی
24 نومبر ، 2024
