پیٹرول سستا ہوا تو اوگرا نے ایل پی جی مہنگی کردی

وفاقی حکومت کی جانب سے آج پیٹرولیم مصنوعات کی قیمتوں میں کمی کی گئی لیکن ساتھ ہی آئل اینڈ گیس ریگولیٹری اتھارٹی (اوگرا) نے  قدرتی مائع قدرتی گیس (ایل پی جی) کی قیمت میں اضافہ کردیا ہے۔

اوگرا  کے نوٹیفکیشن کے مطابق  11.8 کلو گرام ایل پی جی کا گھریلو سلنڈر  58 روپے مہنگا کر دیا  گیا ہے۔

اوگرا کی جانب سے جاری نوٹیفکیشن میں  11.8 کلو گرام ایل پی جی کے گھریلو سلنڈر کی نئی قیمت 2060 روپے 15 پیسے مقرر  کی گئی ہے۔

اوگرا  کے مطابق  ایل پی جی کی نئی قیمتوں کا اطلاق یکم ستمبر سے ہوگا۔