مصباح اور وقار کے عہدوں سے ہٹتے ہی عامر انٹرنیشنل کرکٹ کھیلنے کیلئے تیار

مصباح الحق اور وقار یونس کے کوچنگ کے عہدوں سے ہٹتے ہی فاسٹ بولر محمد عامر انٹرنیشنل کرکٹ کھیلنے کے لیے تیار  ہوگئے۔

ذرائع کا کہنا ہے کہ وہ اس بارے میں پاکستان کرکٹ بورڈ سے بات کریں گے۔

خیال رہے کہ گذشتہ روز اچانک مصباح الحق ہیڈ کوچ اور وقار یونس بولنگ کوچ کے عہدے سے دستبردار ہوگئے تھے۔

محمد عامر نے قومی ٹیم میں واپسی کی خواہش ظاہرکردی

معاملات کلیئر ہوئے تو پاکستان کے لیے دستیاب ہوں ، پاکستان سے بڑھ کر کچھ نہیں ہے، فاسٹ بولر محمد عامر

ان کی جگہ ثقلین مشتاق اور عبدالرزاق عبوری کوچز کے فرائض انجام دیں گے۔ بعد ازاں یہ خبریں سامنے آئیں کہ مصباح الحق نے سلیکشن معاملات میں مشاورت نہ کرنے پر عہدے سے استعفیٰ دیا۔

نیوزی لینڈ، انگلینڈ کیخلاف سیریز اور ورلڈ ٹی ٹوئنٹی سیریز کیلئے اعلان کیے جانے والے اسکواڈ پر کپتان بابر اعظم نے بھی عدم اطمینان کا اظہار کیا ہے۔

گزشتہ برس دسمبر میں محمد عامر نے اپنے یوٹیوب اکاؤنٹ پر تقریباً 15 منٹ کی ویڈیو میں بتایا تھا کہ ان کی ریٹائرمنٹ کا فیصلہ جذباتی نہیں بلکہ انہوں نے سوچ سمجھ کر یہ فیصلہ کیا ہے۔

محمد عامر نے اپنی ریٹائرمنٹ کی وجوہات تفصیل سے بیان کردیں

ریٹائرمنٹ کا فیصلہ جذباتی نہیں بلکہ سوچ سمجھ کر یہ فیصلہ کیا ہے، فاسٹ بولر محمد عامر

محمد عامرکاکہنا تھا کہ جب میں نے ٹیسٹ کرکٹ سے ریٹائرمنٹ لی تو سابق کوچ مکی آرتھر اور گزشتہ منیجمنٹ نے میرے فیصلے کو سپورٹ کیا لیکن جب سے نئی منیجمنٹ آئی ہے وہ میرے پیچھے پڑ گئی، نئے بولنگ کوچ اور ہیڈ کوچ نےکہا کہ میں نے لیگز کے لیے ٹیسٹ کرکٹ چھوڑی ہے اور بار بار لوگوں کے ذہن میں ڈالا کہ میں نے اس وجہ سے ٹیسٹ کرکٹ چھوڑا ہے اور میں پیسے کے پیچھے ہوں۔

عامر کا مزید کہنا تھا کہ ’میں نے کرکٹ میں واپسی کے بعد ایشیاکپ، چیمپئنز ٹرافی اور ورلڈ کپ میں‌ اچھی کارکردگی دکھائی، آج بھی میں‌ ون ڈے رینکنگ میں‌ ٹاپ 10 میں‌ ہوں، دورہ نیوزی لینڈکے لیے 35کھلاڑیوں میں میرا نام نہیں آیا تو مجھے دکھ ہوا۔‘

فاسٹ بولر نے اپنے ویڈیو میں مزید کہا تھا کہ ’احسان مانی اور وسیم خان سے کوئی اختلاف نہیں‌ ہے میری ریٹائرمنٹ‌ لینے کی وجہ ٹیم منیجمنٹ کا رویہ ہے، اگر عزت نہیں ملے گی تو میں وہاں نہیں رہ سکتا،ریٹائرمنٹ کے فیصلے سے بورڈ‌ کو آگاہ کردیا ہے، لوگ مجھ سے ریٹائرمنٹ واپس لینے کی درخواست کررہے ہیں لیکن میں‌ نے جذباتی طور پر فیصلہ نہیں‌ لیا۔‘