13 ستمبر ، 2021 
اب واٹس ایپ وائس میسج صرف سنا نہیں پڑھا بھی جاسکے گا مگر کیسے؟
13 ستمبر ، 2021
کیا آپ بھی اکثر و بیشتر عالمی سطح پر مقبول میسجنگ ایپ واٹس ایپ پر موصول ہونے والے لمبے وائس میسجز کو سننے کے لیے وقت نکالنا مشکل تصور کرتے ہیں؟
واٹس ایپ صارفین کی سہولت کے لیے دن بہ دن مختلف اور نئے فیچرز متعارف کروائے جاتے رہتے ہیں تاہم اب وائس میسجز ٹرانسکرپشن فیچر متعارف کروانے کا فیصلہ کرلیا گیا ہے۔
غیرملکی میڈیا رپورٹس کے مطابق ، واٹس ایپ وائس میسجز کا نیا ٹرانسکرپشن فیچر آئی او ایس پر آزمائش کے مراحل میں ہے لیکن وقت کے ساتھ ساتھ اس فیچر سے آئی او ایس سمیت اینڈرائیڈ صارفین بھی فائدہ اٹھاسکیں گے۔
فی الحال واٹس ایپ اپنے صارفین کو وائس میسجز دیکھنے کی سہولت فراہم نہیں کرتا لیکن تھرڈ پارٹی کا دعویٰ ہے کہ کچھ ایسی ایپس موجود ہیں جو صارف کو موصول ہونے والے وائس میسجز کو ٹرانسکرپٹ کرپائیں گی۔
وائس میسج ٹرانسکرپٹ کیسے ہوگا؟
ویب بیٹا انفو کی جانب سے شیئر کیے گئے اسکرین شاٹ میں بتایا گیا ہے کہ صوتی پیغام موصول ہونے پر صارف کی اسکرین پر ایک پاپ اپ آئے گا ، اگر صارف اوکے کرتا ہے تو اس کے بعد موصول ہونے والا صوتی پیغام ایپل اسپیچ انجن کو ٹرانسکرپشن کے لیے بھیجا جائے گا۔
اس سے اندازہ لگایا جاسکتا ہے کہ یہ فیچر ایک آپشنل فیچر ہوگا جسے استعمال کرنے کے لیے صارف کی اجازت درکار ہوگی۔
مزید خبریں :
پاکستان کا روور تحقیق کیلئے چینی مشن کیساتھ چاند پر جائےگا
13 نومبر ، 2024
واٹس ایپ چیٹس کے لیے کارآمد فیچر صارفین کو دستیاب
13 نومبر ، 2024
ایپل کا نیا آئی فون ایس ای 4 مارچ میں متعارف کرائے جانے کا امکان
13 نومبر ، 2024
گوگل میپس میں فضائی معیار جاننے میں مددگار نئے فیچر کا اضافہ
13 نومبر ، 2024
یوٹیوب میں ایسی تبدیلی جو ویڈیوز دیکھنے کے تجربے کو بدل دے گی
12 نومبر ، 2024
جی میل میں بہترین فیچر صارفین کے لیے متعارف
12 نومبر ، 2024
