طالبان افغانستان کے حکمران ہیں، اس حقیقت کو سب تسلیم کرلیں، افغان وزیرخارجہ

افغانستان کے عبوری وزیر خارجہ مولوی امیر خان متقی نے کہا  ہے کہ طالبان افغانستان کے حکمران ہیں اور اس حقیقت کو سب کو تسلیم کر لینا چاہیے۔

عہدہ سنبھالنے کے بعد کابل میں پہلی پریس کانفرنس کرتے ہوئے مولوی امیر خان متقی کا کہنا تھاکہ جن ملکوں نے افغانستان کی مدد کی ان کے شکر گزار ہیں، افغانستان کی مدد کرنے والے ملکوں سے تعاون کریں گے، مہاجرین کی واپسی کیلئے بھی کوشش کریں گے۔

انہوں نے اپیل کی کہ ایشیائی ترقیاتی بینک اور اسلامی ترقیاتی بینک افغانستان کو ترقیاتی امداد دیں جبکہ ڈونرممالک سے بھی درخواست ہے کہ افغانستان کو ترقیاتی امداد دیں۔

وزیر خارجہ نے مطالبہ کیا کہ افغانستان میں نامکمل پراجیکٹس کی تکمیل کیلئے فنڈز بحال کیے جائیں۔

جائزہ لیں گے افغانستان میں امریکا کیا چاہتا ہے اور پاکستان سےکیا توقعات ہیں، بلنکن

افغان سرزمین کو دہشت گردوں کی آماج گاہ نہ بننے دینے کے وعدے کی پاسداری تک طالبان کو تسلیم نہ کیا جائے، آئندہ ہفتوں میں پاکستان سے تعلقات کا جائزہ لیں گے، امریکی وزیر خارجہ

امیر خان متقی کا کہنا تھاکہ مطلوبہ دستاویز رکھنے والے افغان شہریوں کوبیرون ملک سفرکی اجازت ہوگی، ہم تمام افغان عوام کی نمائندگی کرتے ہیں، ملک میں روزگار کے مواقع پیدا کریں گے ۔

ان کا کہنا تھاکہ ہم چاہتے ہیں دوسرے ممالک افغانستان پر دباؤ نہ ڈالیں، دباؤ سے افغانستان کو فائدہ ہوگا اور نہ ان ممالک کو  جبکہ سب ممالک سے اچھے تعلقات چاہتے ہیں۔

 طالبان افغانستان کے حکمران ہیں، حقیقت کو سب کو تسلیم کر لینا چاہیے، وزیر خارجہ

عالمی برادری کے حوالے سے عبوری وزیر خارجہ کا کہنا تھاکہ طالبان نے امریکا سمیت غیرملکیوں کے کابل سے انخلا میں بھرپور تعاون کیا لیکن طالبان کی تعریف کے بجائے امریکا نے ہمارے قومی اثاثے منجمد کرکے مشکلات پیدا کیں، امریکا سمیت عالمی برادری کو معلوم ہوناچاہیےکہ انتشارکی پالیسی کارگر نہیں ہوگی۔

ان کا مزید کہنا تھاکہ طالبان افغانستان کے  حکمران ہیں اور اس حقیقت کو سب کو تسلیم کر لینا چاہیے۔

امیر متقی کا کہنا تھاکہ افغان عبوری حکومت کو تسلیم کرنے سے متعلق منفی اور تعصب پرمبنی پالیسیوں کاخاتمہ ہوناچاہیے۔

امداد کی فراہم کردہ رقم افغان بینک سے مستحقین تک پہنچائی جائے گی، امیر خان متقی

جنیوا کانفرنس سے متعلق افغان عبوری وزیر خارجہ کا کہنا تھاکہ جنیواعالمی کانفرنس میں مدد کا اعلان کرنے والے ملکوں کا خیرمقدم کرتے ہیں۔

ان کا کہنا تھاکہ امداد کا اعلان کرنے والے ممالک کی فراہم کردہ رقم افغان بینک سے مستحقین تک پہنچائی جائے گی۔

قطری وزیر خارجہ کی کابل میں افغان عبوری وزیراعظم سے ملاقات

طالبان کی جانب سے عبوری حکومت کے اعلان کے بعد کسی بھی ملک کے اعلیٰ سطح کے وفد کا پہلا کابل کا دورہ ہے

انہوں نے کہاکہ صحت، تعلیم اور شہروں میں انفراسٹرکچر میں مدد کی ضرورت ہے لہٰذا امید ہے کہ عالمی برادری افغانستان کو امداد سیاسی عزائم ومقاصد سے مشروط نہیں کرے گی۔

ان کا کہنا تھاکہ جن عالمی اداروں نے افغانستان میں اپنے منصوبے نامکمل چھوڑے ہیں، انہیں چاہیے مکمل کریں۔

ضروری نہیں قومی حکومت میں سابق حکومت کے وزرا کوبھی شامل کیاجائے، عبوری وزیر خارجہ

طالبان کی عبوری حکومت سے متعلق عبوری وزیر خارجہ کا کہنا تھاکہ موجودہ حکومتی سیٹ اپ میں افغانستان کے تمام گروہوں کو نمائندگی دی جائے گی لیکن ضروری نہیں وسیع قومی حکومت میں سابق حکومت کے وزراکوبھی شامل کیاجائے۔

انہوں نے کہا کہ سابقہ حکومت کے افغان عوام کے مفادمیں طے شدہ تجارتی معاہدوں کی پاسداری کریں گے۔

ملکی اور غیر ملکی سرمایہ کاری سے افغان عوام کوروزگار ملے گا، امیر خان متقی

افغانستان میں غیرملکی سرمایہ کاری سے متعلق ملا امیر خان  متقی کا کہنا تھاکہ افغانستان میں ملکی وغیر ملکی سرمایہ کاری کو کوئی خطرات درپیش نہیں، چین کی جانب سے بھاری سرمایہ کاری کا خیر مقدم کرتے ہیں۔

اگر طالبان دہشتگرد ہیں تو پھر نہرو اور گاندھی بھی دہشتگرد تھے: مہتمم دارالعلوم دیوبند

اگر غلامی کی زنجیریں توڑنے کی بنیاد پر طالبان ہشت گرد ہیں تو پھر گاندھی، نہرو اور ابواکلام آزاد بھی دہشت گرد تھے، مولانا ارشد مدنی

انہوں نے کہا کہ ملکی اور غیر ملکی سرمایہ کاری سے افغان عوام کوروزگار ملے گا جبکہ تاجراور سرمایہ کار اپنے کاروبار شروع کریں، خود بھی منافع کمائیں اور عوام کو بھی فائدہ دیں۔

عبوری وزیر خارجہ نے اعلان کیا کہ بیرون ملک گئے افغان شہری باحفاظت اور وقار کے ساتھ واپس لوٹ سکتے ہیں۔

ان کا کہنا تھاکہ افغانستان سے جانے یا آنے والوں کے پاس سفری دستاویزات ہونی چاہئیں۔