والد کی امریکا روانگی کے لیے کاغذات جمع کرادیے: بیٹا عمر شریف

کراچی: معروف کامیڈین عمر شریف کے بیٹے جواد عمر کا کہناہےکہ والد کی امریکا روانگی کے لیے کاغذات جمع کرادیے ہیں۔

جونیوز سے گفتگو کرتے ہوئے جواد عمر کا کہنا تھا کہ عمرشریف کے ساتھ اہلیہ زرین غزل اور وہ خود امریکا جائیں گے۔

انہوں نے کہا کہ امریکا روانگی کے لیے ویزے کب موصول ہوں گےاس حوالے سے ٹائم فریم نہیں دے سکتے۔

’دستاویزات مکمل ہونےکے 48 گھنٹوں میں ائیر ایمبولینس پہنچ جائے گی‘

دوسری جانب جیونیوز سے فون پر گفتگو کرتے ہوئے  ایڈمنسٹریٹر کراچی مرتضیٰ وہاب نے کہا کہ بیرون ملک جانےکی دستاویزات مکمل ہونےکے 48 گھنٹوں میں ائیر ایمبولینس کراچی پہنچ جائے گی۔

ان کا کہنا تھا کہ عمر شریف کے علاج کے لیے حکومت سندھ نے فنڈ جاری کردیے ہیں، ان کے اہل خانہ کو ویزےکا مسئلہ بھی جلد حل ہوجائے گا، عمر شریف ہمارے لیجنڈ ہیں ان کے علاج کے لیے سنجیدہ اقدامات کیے جارہے ہیں۔

سندھ حکومت نے عمر شریف کے علاج کیلئے رقم جاری کردی

سندھ حکومت کی جانب سے ائیر ایمبولینس کا بندوبست بھی کردیا گیا ہے، ان کی جلد امریکا روانگی کا امکان ہے۔

شوہر پر فخر ہے جنہوں نے عمر شریف کے علاج کی حامی بھری:ریما

عمر شریف برصغیر کے ایک معروف مزاحیہ اداکار اور ہمارے وقت کے ایک عظیم لیجنڈ ہیں:اداکارہ ریما