15 ستمبر ، 2021 
ایشین اسنوکر چیمپئن شپ: پاکستانی کیوئسٹ حارث طاہر سیمی فائنل میں ناکام
15 ستمبر ، 2021
پاکستان کے حارث طاہر دوحہ میں جاری ایشین اسنوکر چیمپئن شپ کے سیمی فائنل میں ناکام ہوگئے۔
پاکستانی کیوئسٹ کو تجربہ کار ایرن کے عامر سرکوش نے 3-5 سے شکست دی اور سیمی فائنل میں ناکامی کے بعد حارث طاہر کانسی کے میڈل کے حقدار بنے۔
اپنا پہلا بڑا ٹورنامنٹ کھیلنے والے حارث طاہر اور ایران کے ٹاپ پلیئر عامر سرکوش کے درمیان زبردست مقابلہ ہوا تاہم دونوں کے درمیان تجربے کا فرق واضح نظر آیا۔
پاکستانی کیوئسٹ نے متعدد مواقع پر اہم بالز مس کرکے ایرانی پلیئر کو کم بیک کا موقع دیا اور فریم میں اپنی گرفت گنوائی۔
ابتدائی 6 فریمز تک مقابلہ 3-3 سے برابر رہا ، عامر نے پہلا فریم جیتا تو حارث نے دوسرا، پھر عامر نے برتری لی جس کو حارث نے برابر کیا تاہم ساتویں اور آٹھویں فریم میں پاکستانی کیوئسٹ کی غلطیوں کا ایرانی پلیئر نے خوب فائدہ اٹھایا۔
آٹھویں فریم میں ایک موقع پر حارث کو میچ برابر کرنے کا سنہری موقع ملا تھا لیکن انہوں نے ایک آسان ریڈ بال مس کردی جس کے بعد عامر نے فریم کلیئر کرکے مقابلہ 3-5 سے جیت کر فائنل کیلئے کوالیفائی کرلیا۔
سیمی فائنل میں شکست کے بعد 21 سالہ حارث طاہر کو برانز میڈل پر اکتفا کرنا پڑے گا۔
واضح رہے کہ 36 ویں ایشین اسنوکر چیمپئن شپ میں پاکستان کے 2 کیوئسٹ حارث طاہر اوربابر مسیح نے حصہ لیا تھا۔
مزید خبریں :
پرتھ ٹیسٹ میں سنچری:کوہلی نے سر ڈون بریڈمین کو پیچھے چھوڑ دیا
25 نومبر ، 2024
رشبھ پنت آئی پی ایل کی تاریخ کے مہنگے ترین کھلاڑی بن گئے
25 نومبر ، 2024
پرتھ ٹیسٹ میں بھارت نے آسٹریلیا کو 295 رنز سے شکست دیدی
25 نومبر ، 2024
ریٹائرمنٹ یا طلاق! ویرات کوہلی کی پوسٹ پر مداح پریشان کیوں ہوئے؟
25 نومبر ، 2024
