پاکستان کی بھی طالبان سے وہی توقعات ہیں جو امریکاکی ہیں، ترجمان محکمہ خارجہ

واشنگٹن: امریکا کا کہنا ہے کہ وہ افغانستان کے مسئلے پر مسلسل پاکستان سے رابطے میں ہے، پاکستان کی بھی طالبان سے وہی توقعات ہیں جوعالمی برادری اور امریکاکی ہیں۔

امریکا کو زمینی حقائق کا نہیں پتا، اس لیے پاکستان پر اعتماد نہیں کرتا: وزیراعظم

اب تک پاکستان اور امریکا کے تعلقات کی بنیاد غلط تھی، ہم ایک طرح سے امریکا کیلئے کرائے کی فوج رہے، وزیراعظم عمران خان کا امریکی ٹی وی کو انٹرویو

ترجمان امریکی محکمہ خارجہ نیڈ پرائس نے پریس بریفنگ کے دوران بتایا کہ پاکستانی رہنماؤں اور ہم منصبوں کے ساتھ رابطہ جاری ہے، رابطوں میں افغانستان کی صورتحال کا تفصیل سے ذکر ہوا، پاکستان کے نمائندے گزشتہ ہفتے جرمنی میں بھی موجود تھے، سب متفق ہیں کہ افغانستان میں گزشتہ 20برس کےحاصل کردہ فوائد ضائع  نہ ہوں۔

ترجمان امریکی محکمہ خارجہ نے کہا کہ  خصوصاً افغان خواتین، لڑکیوں کی تعلیم اور اقلیتوں کے حقوق متاثر نہ ہوں، افغانستان میں حاصل کردہ فوائد کا تحفظ ہم سب کے مفاد میں ہے،  پاکستان کی بھی طالبان سے وہی توقعات ہیں جوعالمی برادری اور امریکا کی ہیں،  ان توقعات میں کابل سے نکلنے والوں کو محفوظ راہداری دینا بھی شامل ہے۔

طالبان سے کابل میں داخل نہ ہونے کا معاہدہ تھا، اشرف غنی نے معاملہ بگاڑ دیا، زلمے خلیل

طالبان کےساتھ معاہدہ تھا کہ2ہفتےتک کابل میں داخل نہیں ہوں گے، اس دوران اقتدارکی منتقلی عمل میں آنی تھی، غنی کے فرار سے امریکی قیادت بھی حیران رہ گئی، امریکی نمائندہ خصوصی

انہوں نے کہا کہ  پاکستان نے بھی یہی کہا کہ افغانستان میں وسیع اور اشتراکی حکومت بننی چاہیے،  پاکستان اورخطےکےدوسرےممالک کو دیکھ رہےہیں کہ وہ  اپنے بیانات اور وعدوں پر قائم  رہیں،  ان وعدوں میں افغان عوام کی سپورٹ بھی شامل ہے، اس مقصد کے لیے مثبت و تعمیری کردار ادا کیا جائے۔