16 ستمبر ، 2021 
’انیل کپور جوان رہنے کیلئے سانپ کا خون پیتے ہیں‘، تبصرے سن کر اداکار کا زوردار قہقہہ
16 ستمبر ، 2021
بالی وڈ کے سدا بہار اداکار انیل کپور کے حوالے سے یہ خیال ظاہر کیا گیا ہے کہ شاید وہ جوان رہنے کیلئے سانپ کا خون پیتے ہیں۔
انیل کپور حال ہی میں اداکار ارباز خان کے شو 'پِنچ بائے ارباز خان سیزن 2' کے مہمان بنے جہاں انہیں مداحوں کی رائے کے بارے میں آگاہ کیا گیا، اس کے علاوہ انہیں سوشل میڈیا ٹرولز بھی پڑھ کر سنائے گئے۔
ارباز خان کے اس ویب شو میں ایک سیگمنٹ کے دوران انیل کپور کے مداحوں نے ان کی جوانی کی تعریف کی۔ ایک مداح نے خیال ظاہر کیا کہ شاید انیل کپور سدا جوان رہنے کیلئے سانپ کا خون پیتے ہیں۔
ایک اور خاتون مداح نے کہا کہ شاید انیل کپور اپنے گھر میں پلاسٹک سرجن کے ساتھ ہی رہتے ہیں۔
خود سے متعلق لوگوں کی رائے جاننے کے بعد انیل کپور نے ایک زوردار قہقہہ لگاتے ہوئے کہا کہ 'کیا آپ لوگوں نے انہیں پیسے دے کر یہ سب کہلوایا ہے؟'
ارباز خان نے مسکراتے ہوئے جواب دیا کہ 'یہ عام لوگ ہیں، انہیں پیسے نہیں دیے گئے'۔
واضح رہے بالی وڈ کی متعدد فلموں میں اداکاری کے جوہر دکھانے والے انیل کپور اس وقت 64 برس کے ہیں اور ان کی فٹنس کو مداح کافی سراہتے ہیں۔
مزید خبریں :
امریکی اداکار جان کراسنسکی سال 2024 کے پرکشش مرد قرار
13 نومبر ، 2024
امیتابھ بچن کا نمرت کور کو لکھا گیا خط وائرل، خط میں کیا لکھا؟
13 نومبر ، 2024
سلمان خان کو دھمکی دے کر 5 کروڑ مانگنے والا نغمہ نگار گرفتار
13 نومبر ، 2024
