Can't connect right now! retry

انٹرٹینمنٹ
16 ستمبر ، 2021

حکومت کو شوبز کیلئے ایک ڈریس کوڈ دینا چاہیے، وینا ملک

مجھے ان انڈسٹریز کیلئے ہمدردی ہے جہاں کسی قسم کی کوئی روک ٹوک نہیں ہوتی__فوٹو: انسٹاگرام/وینا ملک
 مجھے ان انڈسٹریز کیلئے ہمدردی ہے جہاں کسی قسم کی کوئی روک ٹوک نہیں ہوتی__فوٹو: انسٹاگرام/وینا ملک

معروف اداکارہ و میزبان وینا ملک نے افغانستان میں طالبان کی حکومت کی حمایت کی ہے۔

حال ہی میں اداکارہ نے جرمن نشریاتی ادارے کی اردو سروس کو انٹرویو دیا جس میں انہوں نے خواتین کے لباس اور طالبان کی افغانستان پر حکومت سے متعلق بات چیت کی۔

اداکارہ کا کہنا تھا کہ طالبان نے افغانستان میں اپنی حکومت قائم کی ہے، افغانستان طالبان سے منسلک ہے، یہ ان کی ہی زمین اور جگہ ہے جس کیلئے انہوں نے طویل جنگ لڑی۔

میزبان نے وینا سے سوال کیا کہ آپ نے انسٹاگرام پر برقعہ میں ملبوس تصویر ڈالی ہے کہیں آپ کا ارادہ افغانستان جانے کا تو نہیں؟ اس پر اداکارہ نے مسکراتے ہوئے جواب دیا کہ میں قندھار جانا پسند کروں گی، مجھے اس جگہ سے محبت ہے۔

برقعہ سے متعلق انہوں نے کہا کہ عبایا 13 سال کی عمر سے میری زندگی کا حصہ ہے، اب بھی جب باہر جاتی ہوں تو برقعہ پہنتی ہوں، اس لیے نہیں کہ مجھ سے کسی نے زبردستی کی ہو یہ میرا اپنا ذاتی انتخاب ہے۔ برقعے میں خود کو محفوظ محسوس کرتی ہوں۔

افغانستان میں طالبان کی جانب سے ڈریس کوڈ وضع کرنے سے متعلق اداکارہ کا کہنا تھا کہ میرے خیال سے وہاں کے لوگ اسے خوشی خوشی اپنائیں گے کیونکہ انہیں اپنی روایات کے بارے میں اچھی طرح پتہ ہے۔

دوسری جانب وینا نے پاکستان سے متعلق کہا کہ ہمارا ملک ایک خود مختار ملک ہے، یہاں لوگ ہر قسم کے کپڑے پہن رہے ہیں۔ میرا خیال ہے کہ شوبز میں ہمارا ڈریس کوڈ ہونا چاہیے، حکومت کو ہمیں کوئی ڈریس کوڈ دینا چاہیے کہ آپ نے ان حدود میں رہنا ہے۔

انہوں نے مزید کہا کہ ہمیں افغانستان کی حکومت کے بارے میں زیادہ نہیں سوچنا چاہیے، مجھے ان انڈسٹریز کیلئے ہمدردی ہے جہاں کسی قسم کی کوئی روک ٹوک نہیں ہوتی، فنکار اپنی مرضی سے سب کچھ کرنے کے اہل ہوتے ہیں۔

واضح رہے کہ اداکارہ وینا ملک تقریباً 12 سال کے لمبے عرصے بعد ایک بار پھر سیاسی طنز و مزاح کے شو میں نظر آئیں گی۔ وینا ملک کا نیا شو ڈیجیٹل پلیٹ فارم اردو فلکس پر نشر کیا جائے گا۔ 

مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM