’نیوزی لینڈ ٹیم کی واپسی کیلئے چارٹرڈ طیارہ کل پاکستان پہنچے گا‘

پاکستان کرکٹ بورڈ (پی سی بی) کے چیف ایگزیکٹو وسیم خان نے کہا ہے کہ نیوزی لینڈ کی ٹیم کو واپس لینے کل چارٹرڈ طیارہ آ رہا ہے۔

جیونیوز سے گفتگو میں وسیم خان  نے بھی نیوزی لینڈ کی جانب سے پاکستان کا دورہ ختم کرنے کے اعلان پر مایوسی کا اظہار کیا اور کہا کہ دورہ ختم کیاجانا افسوسناک امر ہے اور جو بھی ہوا غلط ہوا۔

سکیورٹی خدشات کو جواز بناکر نیوزی لینڈ نے دورہ پاکستان ختم کردیا، سیریز ملتوی

پی سی بی نےکئی گھنٹوں تک نیوزی لینڈکرکٹ ٹیم کو قائل کرنےکی کوشش کی لیکن کیوی ٹیم کو منانے کی کوششیں ناکام رہیں

انہوں نے بتایاکہ نیوزی لینڈ کی ٹیم کو واپس لینے کل چارٹرڈ طیارہ آ رہا ہے۔

خیال رہے کہ آج پاکستان اور نیوزی لینڈ کے درمیان پہلے ون ڈے میچ کے آغاز میں تاخیر ہوئی تھی جس کے حوالے سے یہ خبریں سامنے آئی تھیں کہ شاید کورونا کی وجہ سے کھلاڑیوں کو ہوٹل میں ہی رہنے کی ہدایت کی گئی ہے۔

پھر یہ خبر سامنے آئی کہ سکیورٹی خدشات کی وجہ سے میچ منسوخ کیا گیا ہے تاہم اب اس بات کی تصدیق ہوگئی ہے کہ نیوزی لینڈ کی ٹیم نے دورہ پاکستان ختم کردیا ہے اور اس کی وجہ سکیورٹی خدشات بتائی ہے۔