نیوزی لینڈ کرکٹ ٹیم وطن واپسی کیلئے پاکستان سے روانہ ہوگئی

دورہ پاکستان ختم کرنے کے بعد نیوزی لینڈ کی کرکٹ ٹیم اسلام آباد سے دبئی روانہ ہوگئی۔

ذرائع کے مطابق نیوزی لینڈ کی ٹیم خصوصی طیارے کے ذریعے اسلام آباد ائیرپورٹ سے روانہ ہوئی جبکہ خصوصی طیارے میں نیوزی لینڈ کی ٹیم اور اسٹاف سمیت 33 افراد سوار ہیں۔

قبل ازیں وزیر داخلہ شیخ رشید  نے بتایا تھاکہ نیوزی لینڈ کا اسکواڈ اسلام آباد ائیرپورٹ پہنچا تھا جہاں ٹیم کے کورونا ٹیسٹ کیے گئے تھے۔

ذرائع کے مطابق نیوزی لینڈ ٹیم کے کھلاڑیوں سمیت تمام 33 ممبران کے ٹیسٹ منفی آئے تھے۔

سکیورٹی خدشات کو جواز بناکر نیوزی لینڈ نے دورہ پاکستان ختم کردیا، سیریز ملتوی

پی سی بی نےکئی گھنٹوں تک نیوزی لینڈکرکٹ ٹیم کو قائل کرنےکی کوشش کی لیکن کیوی ٹیم کو منانے کی کوششیں ناکام رہیں

خیال رہے کہ گزشتہ روز کیویز کرکٹ ٹیم نے میچ شروع ہونے سے کچھ دیر پہلے دورہ ختم کرنے کا اعلان کیاتھا۔

اس حوالے سے وفاقی وزیر داخلہ شیخ رشید کا کہنا تھاکہ نیوزی لینڈ کے پاس بھی کوئی اطلاع نہیں تھی، صرف بہانہ بنایا گیا، اس کے پیچھے کیا ہے آئندہ کچھ روز میں پتا چلے گا۔