22 ستمبر ، 2021 
بیچ ریسلنگ ورلڈ سیریز کیلئے انعام بٹ اور زمان انور رومانیہ کے ویزوں کے منتظر
22 ستمبر ، 2021
بیچ ریسلنگ ورلڈ سیریز کے لیے پاکستان کے دو میڈلسٹ پہلوان انعام بٹ اور زمان انور رومانیہ کے ویزوں کے منتظر ہیں۔
اطلاعات کے مطابق انعام بٹ اور زمان انوار کو تاحال رومانیہ کے ویزے جاری نہیں کیے گئے ہیں۔
رومانیہ میں بیچ ریسلنگ ورلڈ سیریز کا آخری مرحلہ 25 اور 26 ستمبر کو شیڈول ہے، دو پہلوانوں انعام بٹ اور زمان انور نے 24 ستمبر کو ایونٹ میں رپورٹ کرنا ہے جنہیں کل ویزے نہ ملے تو پاکستان کی بیچ ریسلنگ ورلڈ سیریز میں نمائندگی ممکن نہیں ہو گی۔
ترجمان پاکستان ریسلنگ فیڈریشن کا کہنا ہے کہ کل تک ویزے جاری کرنے کی یقین دہانی کرائی گئی ہے۔ متعلقہ لوگوں سے اس حوالے سے بات بھی کی گئی ہے۔ انعام بٹ ویزہ مسائل کے باعث بیچ ریسلنگ ورلڈ سیریز کے پہلے مرحلے میں جو کہ فرانس میں ہوا تھا اس میں بھی شرکت نہیں کر سکے تھے۔
یاد رہے کہ انعام بٹ نے اٹلی اور یونان کے مرحلے میں گولڈ میڈل جیتا تھا، زمان انور بیچ ریسلنگ ورلڈ سیریز میں پاکستان کے لیے برانز کا تمغہ جیت چکے ہیں۔
مزید خبریں :
سلیکشن کمیٹی کے بعد محمد یوسف کوچنگ سے بھی الگ ہوگئے
8 گھنٹے پہلے
