عمر اکمل کی خاتون کے ساتھ بالی وڈ گانے پر پرفارم کرنے کی ویڈیو وائرل

قومی کرکٹر عمر اکمل کی ایک ویڈیو سوشل میڈیا پر وائرل ہورہی ہے جس میں انہیں ایک خاتون کے ساتھ بالی وڈ گانے پر پرفارم کرتے دیکھا جاسکتا ہے۔ 

انسٹاگرام سمیت مختلف سوشل میڈیا پلیٹ فارمز پر عمر اکمل کی ایک ویڈیو وائرل ہورہی ہے جس میں انھیں سفید لباس پہنی خاتون (جن کا چہرہ نظر نہیں آرہا) کے ساتھ بالی وڈ کے گانے ’ہایو ربا ہایو ربا‘ پر لپ سنکنگ  کرتے اور ہلکا پھلکا رقص کرتے  دیکھا جاسکتا ہے۔

وائرل ویڈیو کے ذریعے ایک بار پھر  قومی کرکٹر  نے  سوشل میڈیا صارفین کی توجہ اپنی جانب مبذول کرلی ہے۔

سوشل میڈیا صارفین کی جانب سے عمراکمل کی اس ویڈیو پر ملے جلے ردعمل کا اظہار کیا جارہا ہے۔

میڈیا رپورٹس کے مطابق عمر اکمل نے رواں برس اپریل میں ٹک ٹاک جوائن کیا تھا۔