عمر شریف کو امریکا منتقل کرنے کیلئے ائیر ایمبولینس کو پاکستان آنے کی اجازت مل گئی

معروف کامیڈین اور اداکار عمر شریف کو علاج کی غرض سے امریکا منتقل کرنے کے لیے آنے والی ائیر ایمبولینس کو پاکستان آنے کی اجازت مل گئی ہے۔

سول ایوی ایشن اتھارٹی (سی اے اے) نے عمر شریف کو لینے کے لیے امریکا سے آنے والی ائیر ایمبولینس کو پاکستان آنے کی اجازت دے دی ہے۔

ائیر ایمبولینس 26 ستمبر کی رات 11 بجے کراچی ائیر پورٹ پر لینڈ کرے گی جس کا کال سائن IFA 1264 ہے۔

کپتان کے ہمراہ 5 کریو ممبرز بھی ائیر ایمبولینس میں پاکستان آئیں گے۔

خیال رہے کہ نامور اداکار و کامیڈین عمر شریف مختلف امراض میں مبتلا ہیں اور کراچی کے ایک نجی اسپتال میں زیر علاج ہیں۔