27 ستمبر ، 2021 
انڈو پاک جوڑی ٹینس کورٹ میں ایک بار پھر ایکشن میں ہوگی
27 ستمبر ، 2021
ٹینس کورٹ میں انڈو پاک ایکسپریس کے نام سے مشہور پاکستا ن کے اعصام الحق اور انڈیا کے روہن بوپانا کی جوڑی ایک بار پھر ایکشن میں ہوگی۔
اعصام الحق اور روہن بوپانا کی جوڑی نے ستمبر 2014 کے بعد اس سال مارچ میں میکسیکو میں ایک ٹورنامنٹ کھیلا تھا جس کے بعد دونوں 6 ماہ بعد اب ایک بار پھر ایک ساتھ ٹینس کورٹ میں اتریں گے۔
دونوں پلیئرز ایک ساتھ صوفیا اوپن میں ایکشن میں ہوں گے۔
اس حوالے سے اعصام الحق کا کہناتھا کہ اس سال کے آغاز میں 7 سال بعد ایک ٹورنامنٹ روہن کے ساتھ کھیلا تھا مگر اس بار زیادہ ٹورنامنٹس کیلئے شراکت داری بنائی جارہی ہے جس کا پہلا میچ صوفیا اوپن میں منگل کو ہوگا۔
اعصام الحق نے مزید کہا کہ3،4 ٹورنامنٹس ساتھ کھیلنے کے بعد مستقبل کا فیصلہ کریں گے۔
واضح رہے کہ دونوں کی جوڑی کو 2010 کے یو ایس اوپن کا فائنل کھیلنے کے بعد کافی پذیرائی ملی تھی جب کہ دونوں کھلاڑیوں نے ایک ساتھ ڈبلز میں5 ٹائٹلز جیتے ہیں اور ایک موقع پر دونو ں کا شمار ٹینس ڈبلز میں ٹاپ10 جوڑیوں میں ہوتا تھا۔
اعصام الحق پر اُمید ہیں کہ ری یونین کے بعد ان کی اور روہن کی جوڑی ایک بار پھر کامیابیاں سمیٹے گی۔
مزید خبریں :
پرتھ ٹیسٹ میں سنچری:کوہلی نے سر ڈون بریڈمین کو پیچھے چھوڑ دیا
25 نومبر ، 2024
رشبھ پنت آئی پی ایل کی تاریخ کے مہنگے ترین کھلاڑی بن گئے
25 نومبر ، 2024
پرتھ ٹیسٹ میں بھارت نے آسٹریلیا کو 295 رنز سے شکست دیدی
25 نومبر ، 2024
