ذاکر نائیک نے بہو کی تلاش کیلئے اشتہار دے دیا

ملائیشیا میں جلاوطن بھارت کے معروف اسلامی اسکالر ڈاکٹر ذاکر نائیک کو اپنے بیٹے کی شادی کے لیے لڑکی کی تلاش ہے، اس کے لیے ذاکر نائیک نے فیس بک پر ایک پوسٹ بھی کی ہے۔

ڈاکٹر ذاکر نائیک نے فیس بک پوسٹ میں لکھا ہےکہ میں اپنے بیٹے فارِق کی شادی کے لیے لڑکی تلاش کر رہا ہوں، اس کے لیے اچھے کردار  والی مسلم لڑکی ڈھونڈ رہا ہوں تاکہ  میرا بیٹا اور اس کی بیوی ایک دوسرے کے لیے رہنمائی اور طاقت کا ذریعہ بن جائیں۔

ذاکر نائیک نے آرٹیکل 370 کی حمایت کے بدلے مقدمات ختم کرنے کی بھارتی پیشکش ٹھکرادی

بھارتی حکومت کی جانب سے یہ بھی کہا گیا کہ بی جے پی اور وزیراعظم نریندر مودی کے خلاف بیانات نہ دیں: معروف مذہبی اسکالر ڈاکٹر ذاکر نائیک

ذاکر نائیک کا کہنا ہےکہ اگر آپ کسی لڑکی کے والد یا رشتے دار ہیں اور اس معاملے میں دلچسپی رکھتے ہیں تو آپ سے عاجزانہ درخواست ہے کہ اس پوسٹ کا مطلوبہ معلومات کے ساتھ جواب بھیجیں۔

ڈاکٹر ذاکر نائیک نے اپنی پوسٹ میں تفصیل سے لکھا ہےکہ انہیں کیسی بہو درکار ہے۔

لڑکی کے لیے مطلوبہ شرائط

 ذاکر نائیک کے مطابق  لازمی شرائط کے تحت لڑکی قرآن و حدیث کی روشنی میں اسلامی اصولوں پر کاربند ہو  اور فرائض کی پابند ہو،حرام چیزوں سے دور رہنے والی ہو اور جتنا ممکن ہوسکے مستحب (سنت)  پر عمل کرے۔ 

بھارت میں ڈاکٹر ذاکر نائیک کیخلاف دہشت گردی کی چارج شیٹ دائر

ڈاکٹر ذاکر نائیک نے تقاریر کے ذریعے نوجوان کو دہشت گردی پر اکسایا اور معاشرے میں اختلافات پیدا کیے، این آئی اے کی چارج شیٹ

لڑکی نیک ہو ، سیدھے رستے پر چلنے والی ہو ، اچھے اخلاق کے ساتھ نرم دل اور ہمدرد ہو اور دعوت دین کےکاموں میں  اپنے شوہر کا ساتھ دے اور  اس کا حوصلہ بڑھائے، لڑکی خود بھی دعوت کے کاموں سے شغف رکھنے والی اور  اسلامی تعلیمات کو پھیلانے میں دلچسپی رکھنے والی ہونی چاہیے۔

ذاکر نائیک کے مطابق لڑکی ایسی ہو جو عیش و عشرت کے بغیر سادہ زندگی گزارنےکی خواہش مند ہو ، انشاءاللہ میرا بیٹا اور اس کی بیوی ایک پرسکون زندگی گزاریں گے تاہم اس کے لیے اسے آسائشوں کو اللہ کی راہ میں قربان کرنا ہوگا۔

 2 مزید شرائط ہیں جن کے مطابق لڑکی انگریزی پر عبور رکھتی ہو اور ملائیشیا میں رہنےکے لیے تیار ہو۔

ڈاکٹر ذاکرنائیک نے بہوکے لیے مزید شرائط بھی رکھی ہیں  جو کہ تمام  لازمی تو نہیں تاہم ان میں سے اکثر ہوں تو اچھی بات ہے۔

ڈھاکا حملے ،ڈاکٹر ذاکر نائیک کے خلاف بھارت میں تحقیقات کا آغاز

بھارت کے سیکورٹی اداروں نے ڈھاکا دہشتگرد حملے کے بعد بھارتی اسکالر ڈاکٹر ذاکر نائیک کے خلاف تحقیقات شروع ...

مزید شرائط کے مطابق لڑکی فصیح عربی بولتی ہو، مسلمانوں اور غیر مسلموں میں دعوت کا کام کرتی ہو ، اسلامیات کےکسی بھی شعبے میں بیچلر ڈگری رکھتی ہو ، قرآن کی حافظہ ہو، کسی اسلامی تنظیم میں سرگرم رہی ہو  اور  بڑی تعداد میں انگریزی زبان میں اسلامی اسکالرز کے بیانات سن رکھے ہوں۔

ذاکر نائیک نے پوسٹ میں اپنے بیٹے کی تفصیلات بھی بیان کی ہیں جن کے مطابق ان کے بیٹے فارق کی عمر  27 سال ہے اور اس کا قد 5 فٹ 7 انچ ہے، فارق نے سعودی عرب کی امام محمد بن سعود یونیورسٹی سے شریعہ میں بیچلر ڈگری حاصل کی ہے۔

پوسٹ میں ذاکر نائیک نے اپنے بیٹےکی دلچسپیوں ، صلاحیتوں اور سرگرمیوں کو بیان کرنےکے ساتھ اپنی اور اہلیہ سمیت بیٹی کی تفصیلات بھی شیئر کی ہیں۔