کراچی میں آج بھی گرج چمک کے ساتھ تیز بارش کا امکان

شہرِ قائد میں آج  بھی وقفے وقفےسے گرج چمک کے ساتھ بارش کا امکان ہے۔

محکمہ موسمیات کے مطابق 24 گھنٹوں کے دوران شہر میں تیز ہواؤں اور گرج چمک کے ساتھ بارش کا امکان ہے، آج دوپہر کے بعد تھنڈر سیلز بن سکتے ہیں جب کہ شہر میں اربن فلڈنگ کا بھی خطرہ ہے۔

کراچی میں اچانک تیز بارش کیوں ہوئی؟ ماہرین موسمیات کا بیان

کل دوپہر کے بعد بھی ایک بار پھر تھنڈرسیلز بن سکتے ہیں اورکل کہیں تیز اور کہیں موسلا دھار بارش ہوسکتی ہے، ڈائریکٹر محکمہ موسمیات

محکمہ موسمیات کی جانب سے سندھ کے دیگر شہروں میں بھی بارش کی پیش گوئی کی گئی ہے۔

آج شہر کا کم سے کم درجہ حرارت 28 ڈگری ریکارڈ کیا گیا، کراچی کا زیادہ سے زیادہ درجہ حرارت 36 سے 38 ڈگری سینٹی گریڈ تک رہنے کا امکان ہے۔

محکمہ  موسمیات کا یہ بھی کہنا ہے کہ کراچی میں شمال مغرب کی سمت سے ہلکی رفتار سے ہوائیں چل رہی ہیں، جن میں نمی کا تناسب 77 فیصد ہے۔