29 ستمبر ، 2021 
’واٹمور کا بیان مبہم ہے’، رمیز راجہ کا چیئرمین انگلش کرکٹ بورڈ کے بیان پر ردعمل
29 ستمبر ، 2021
پاکستان کرکٹ بورڈ کے چیئرمین رمیز راجہ نے انگلینڈ کرکٹ بورڈ کے دورہ پاکستان کی منسوخی پر بیان کو مبہم قرار دیا ہے۔
برطانوی اخبار سے گفتگو میں رمیز راجہ نے کہا کہ انگلش کرکٹ بورڈ کے چیئرمین کا بیان مبہم ہے، پاکستان کرکٹ بورڈ سے سکیورٹی کے بارے میں کوئی بات نہیں کی گئی ۔
انہوں نے کہا کہ برطانوی ہائی کمشنر کرسچن ٹرنر نے بھی اس بات کی تصدیق کی کہ برطانوی حکومت نے پاکستان کیلئے ٹریول ایڈوائزری نہیں بدلی۔
چیئرمین پی سی بی نے مزید کہا کہ یہ بھی معلوم ہوا ہےکہ کھلاڑیوں کی ویلفیئر اور سکیورٹی کے حوالے سے بھی انگلش کرکٹ بورڈ نے انگلش ٹیم سے کوئی بات نہیں کی اور صرف نیوزی لینڈ ٹیم کے دورہ پاکستان سے دستبردا رہونے کے بعد از خود نتیجہ اخذ کرکے دورہ پاکستان منسوخ کرنے کا فیصلہ کرلیا۔
واضح رہے کہ اس سے قبل بدھ کے روز چیئرمین انگلینڈ اینڈ ویلز کرکٹ بورڈ این واٹمور نے پاکستان میں سیریز نہ کھیلنے کے فیصلے کے بعد پہلی مرتبہ تبصرہ کرتے ہوئےکہا تھا کہ پاکستان کا دورہ نہ کرنے کا فیصلہ بورڈ کا تھا، اس فیصلے کے لیے کھلاڑیوں سے مشورہ نہیں کیا گیا تھا۔
واٹمور کا کہنا تھا کہ مجھے افسوس ہے کہ فیصلے سے خاص طور پر پاکستان میں لوگ مایوس ہوئے، تفصیلات میں نہیں جاؤں گا لیکن سکیورٹی اور ویلفیئر کی ایڈوائس پر فیصلہ کیا گیا۔
مزید خبریں :
سلیکشن کمیٹی کے بعد محمد یوسف کوچنگ سے بھی الگ ہوگئے
16 نومبر ، 2024
آسٹریلیا نے دوسرے ٹی ٹوئنٹی میں پاکستان کو 13 رنز سے شکست دے دی
16 نومبر ، 2024
