30 ستمبر ، 2021 
چیئرمین نیب کی مدت ملازمت میں توسیع کیلئے مسودہ تیار
30 ستمبر ، 2021
اسلام آباد: چیئرمین نیب جسٹس (ر) جاوید اقبال کی مدت ملازمت میں توسیع کے معاملے پر اہم پیشرفت سامنے آئی ہے۔
ذرائع کے مطابق وزارت قانون نے مجوزہ صدارتی آرڈیننس کے ذریعے چیئرمین نیب کو توسیع دینےکامسودہ تیار کرلیا ہے جس کا متن وزیراعظم کی منظوری کے بعد آج ہی صدر مملکت کوپیش کیا جائے گا۔
ذرائع کا کہنا ہےکہ مجوزہ آرڈیننس کے تحت جاویداقبال نئے چیئرمین نیب کی تعیناتی تک کام کرتے رہیں گے۔
ذرائع کے مطابق نیب آرڈیننس 1999 کی شق6 کے تحت چیئرمین نیب کی مدت کو توسیع نہیں دی جاسکتی۔
واضح رہے کہ حکومت نے چیئرمین نیب کی تعیناتی پر اپوزیشن لیڈر شہباز شریف سے مشاورت نہ کرنے کا فیصلہ کیا ہے، اس سلسلے میں فواد چوہدری کا کہنا تھا کہ شہباز شریف سے اگلے چیئرمین نیب کے بارے میں پوچھنے کا مطلب ہے کہ ملزم سے پوچھیں کہ اس کی تفتیش کون کرے گا۔
مزید خبریں :
کراچی میں خلع کیسز دائر کرنے کی تعداد دگنا ہوگئی
27 منٹ پہلے
لاہور ہائیکورٹ کا عمر قید کے ملزم کو رہا کرنے کا حکم
6 گھنٹے پہلے
