’عمر شریف کی موت پر دل ٹوٹ گیا‘، پاکستانی کرکٹرز کا بھی اظہارِ افسوس

معروف اداکار اورکامیڈین عمر شریف کے انتقال پر کرکٹ سے تعلق رکھنے والی پاکستانی شخصیات نے بھی اظہار  افسوس کیا ہے۔

قومی کرکٹ ٹیم کے سابق کپتان اور پاکستان کرکٹ بورڈ (پی سی بی) کے چیئرمین رمیزراجہ نے عمر شریف کے انتقال پر افسوس کا اظہار کرتے ہوئے کہا ہے کہ 'عمر شریف کو کھونے کا بہت دکھ ہے، وہ اپنے شعبے میں بہترین تھے ، ان کی حس مزاح کمال کی تھی، ہم انہیں موجودہ مایوسی کے دور میں اور بھی زیادہ یاد کریں گے'۔

سابق کپتان وسیم اکرم نے عمر شریف کا خراج تحسین پیش کرتے ہوئے کہا ہے 'کہ لوگوں کو ہنسانا دنیا کا مشکل ترین کام ہے لیکن عمر شریف نے یہ کام خوب مہارت سے کیا، میں نے ہمیشہ ان کی کامیڈی انجوائے کی، ان کے پاس بے پناہ ہنر تھا، وہ بولتے تو کوئی ان کو میچ نہ کر پاتا، سب کو ہنسانے والا، سب کو رلا گیا، ہم سب ان کے جدا ہونے پر غمگین ہیں۔ اللہ مغفرت کرے آمین'۔

قومی کرکٹ ٹیم کے کپتان بابر اعظم کا کہنا ہےکہ 'عمر شریف کی موت پر دل ٹوٹ گیا،  وہ بے شک کامیڈی کے غیر متنازع بادشاہ اور پاکستان کے لیجنڈ تھے،  اللہ تعالیٰ ان کی مغفرت فرمائے اور ان کے درجات بلند فرمائے اور انہیں جنت الفردوس  میں جگہ عطا فرمائے' ۔

سابق فاسٹ بولر اور اسپیڈ اسٹار شعیب اختر نے بھی دکھ کا اظہار کرتے ہوئےکہا ہےکہ   'میرے پاس اپنے دکھ کا اظہار کرنے کے لیے الفاظ نہیں ہیں، انہوں نے اپنی زندگی میں اتنی خوشی اور ہنسی پھیلائی ہے کہ اسے ہمیشہ یاد رکھا جائےگا'۔

بوم بوم شاہد آفریدی نے بھی عمر شریف کو خراج تحسین پیش کرتے ہوئے کہا ہےکہ  'پاکستان کے لیے انمول خدمات اور اپنے باکمال مزاح سے ہمیں کئی سالوں تک ہنسانے کے لیے آپ کا شکریہ، آپ کو ہمیشہ یاد رکھا جائےگا '۔

قوم ٹیم کے سینیئر کھلاڑی محمد حفیظ نے عمر شریف کے انتقال پر افسوس کا اظہار کرتے ہوئے ان کے اہل خانہ اور تمام مداحوں سے تعزیت کا اظہار کیا ہے۔

قومی کرکٹ ٹیم کے آل راؤنڈر شاداب خان کا کہنا ہےکہ 'عمر شریف  نے ہمارے چہروں پر مسکراہٹیں ڈالیں اور ہمیں ہنسایا،  اللہ کرے وہ سکون میں رہیں، وہ  ایک سچے پاکستانی ہیرو تھے'۔

'ہنسانے والا رلا گیا'، عمر شریف کے انتقال پر پاکستانی شوبز انڈسٹری میں سوگ

عمر شریف جیسا انسان شاید ہی پاکستان کی انٹرٹینمنٹ کی دنیا میں کبھی آئے، جاوید شیخ

مسکراہٹیں بکھیرنے والے نامور کامیڈین و اداکار عمر شریف انتقال کر گئے

عمر شریف کے خاندانی ذرائع نے اداکار کے انتقال کی تصدیق کر دی ہے۔