عمر شریف کی میت بدھ کو پہنچے گی، عبداللہ شاہ غازی کے مزار کے احاطے میں قبر کی تیاری شروع

سفارتی ذرائع کا کہنا ہے کہ اداکار عمر شریف کی میت بدھ کی صبح 5  بجکر 45 منٹ پر کراچی پہنچے گی۔ 

عمر شریف کی میت پاکستان لانے کے لیے ترک ائیر لائن کی پرواز پر بکنگ کرائی گئی ہے۔ میت جرمنی کے شہر میونخ سے فلائٹ نمبر ٹی کے 1634 پر روانہ کی جائے گی۔

جرمنی میں عمر شریف کی نماز جنازہ ادا کردی گئی

سفارتی ذرائع کے مطابق نماز جنازہ کیلئے نیورمبرگ سٹی کی ترک مسجد میں مسلم کمیونٹی کا اجتماع منعقد کیا گیا

پرواز  پاکستانی وقت کے مطابق منگل کی شام چھ بجکر 5 منٹ پر استنبول کے لیے روانہ ہوگی۔ استنبول سے ترک ائیر کی پرواز ٹی کے 708 کل رات 10:30 بجے کراچی کیلئے روانہ ہوگی۔

پرواز بدھ کی صبح 5 بجکر 45 منٹ پر کراچی ائیرپورٹ پر لینڈ کرے گی۔ اداکار عمر شریف کی بیوہ زریں غزل علیحدہ پرواز سے وطن واپس آ رہی ہیں۔ جرمنی میں مرحوم اداکار کی نماز جنازہ ادا کردی گئی ہے۔

وطن واپسی کے بعد عمر شریف کی تدفین عبداللہ شاہ غازی کے مزار کے احاطے میں ان کی خواہش کے مطابق کی جائے گی۔

عبداللہ شاہ غازی کے مزار کے پاس عمرشریف مرحوم کی قبرکی تیاری شروع کردی گئی ہے۔ 

عمرشریف کی تدفین عبداللہ شاہ غازی کے مزار کے احاطے میں شیخ لیاقت کمپاؤنڈ میں کی جائے گی۔