05 اکتوبر ، 2021 
فیس بک نے سوشل میڈیا ایپلیکیشن کی سروس متاثر ہونے پر صارفین سے معذرت کرلی
05 اکتوبر ، 2021
فیس بک نے سوشل میڈیا ایپلیکیشن کی سروس متاثر ہونے پر صارفین سے معذرت کرلی ہے۔
فیس بک کے چیف ٹیکنالوجی آفیسر مائیک نے ٹوئٹ کرتے ہوئے کہا ہے کہ 'صارفین کو ہونے والی پریشانی پر معذرت خواہ ہیں جبکہ خلل دور کرکے سروسز کی جلد بحالی کی کوشش کررہے ہیں'۔
واضح رہے کہ پاکستان سمیت دنیا بھر میں واٹس ایپ، فیس بک اور انسٹاگرام کی سروسز متاثر ہوگئیں جس وجہ سے لاکھوں صارفین کو مشکلات کا سامنا کرنا پڑ رہا ہے۔
دنیا بھر میں مذکورہ سوشل میڈیا ایپلیکیشن کی سروس پیر کو پاکستانی وقت کے مطابق تقریباً رات ساڑھے آٹھ بجے متاثر ہوئیں اور محض ٹوئٹر سماجی رابطوں کی بڑی ویب سائٹ تھی جو بحال رہی لہٰذا صارفین ٹوئٹر پر ہی اپنی مایوسی کا اظہار کررہے ہیں۔
دوسری جانب واٹس ایپ نے ٹوئٹر پر بیان جاری کیا جس میں کہا کہ ہمیں علم ہے کہ ’بعض‘ لوگوں کو واٹس ایپ کے استعمال میں مسئلہ درپیش ہے، ہم چیزوں کو معمول پر لانے کیلئے کام کررہے ہیں اور اس حوالے سے جلد ہی آگاہ کیا جائے گا'۔
مزید خبریں :
بلیو اسکائی کے صارفین کی تعداد 2 کروڑ سے زائد ہوگئی
20 نومبر ، 2024
ایپل کا اب تک کا سب سے پتلا آئی فون
20 نومبر ، 2024
انسٹا گرام میں ایک بہت بڑی تبدیلی کر دی گئی
19 نومبر ، 2024
بھارت نے واٹس ایپ پر 7 ارب روپے سے زائد کا جرمانہ عائد کردیا
19 نومبر ، 2024
واٹس ایپ گروپس کے لیے ایک بہترین فیچر متعارف
17 نومبر ، 2024
