بالی وڈ کو خیر باد کہنے والی زائرہ وسیم کی 2 سال بعد پہلی تصویر سامنے آگئی

بالی وڈ کو خیر باد کہنے والی زائرہ وسیم کی دو سال بعد پہلی تصویر سامنے آگئی ہے۔

فلم ’دنگل‘ سے شہرت پانے والی زائرہ وسیم کا فلمی دنیا سے کنارہ کشی کا اعلان

فلمی کیریئر میں عزت اور شہرت ملی ہے لیکن اس وجہ سے مذہب سے دور ہورہی تھی: زائرہ وسیم کا سوشل میڈیا پر طویل بیان

سپر ہٹ فلم دنگل سے شہرت کی بلندیوں پر پہنچنے والی چائلڈ اسٹار زائرہ وسیم نے 2019 میں مذہبی بنیادوں پر فلم انڈسٹری کو خیر باد کہہ دیا تھا۔

اب تقریباً دو برس بعد زائرہ وسیم نے اپنے انسٹاگرام پر ایک تصویر پوسٹ کی ہے جس میں وہ دریا کے اوپر بنے ایک پل پر کھڑی ہیں تاہم ان کا چہرہ اس تصویر میں نظر نہیں آرہا۔

زائرہ نے تصویر کے کیپشن میں لکھا ’Warm October Sun‘۔ اس پوسٹ پر اب تک ایک لاکھ سے زائد لائکس آچکے ہیں۔

زائرہ نے فلم انڈسٹری کیوں چھوڑی؟

سری نگر سے تعلق رکھنے والی بالی وڈ اداکارہ زائرہ وسیم نے 30 جون 2019 کو بالی وڈ چھوڑنے کا اعلان سوشل میڈیا پر جاری طویل بیان کے ذریعے کیا۔

سوشل میڈیا پر اپنی طویل پوسٹ میں انہوں نے لکھا کہ فلمی کیریئر میں عزت اور شہرت ملی ہے لیکن اس کی وجہ سے مذہب سے دور ہورہی تھی۔

انہوں نے پیغام میں کہا کہ فلمی دنیا کی وجہ سے ان کی زندگی سے برکت ختم ہورہی تھی جس کے باعث وہ بالی وڈ سے دوری اختیار کررہی ہیں۔

یاد رہے کہ زائرہ وسیم نے اپنا فلمی کیریئر 2016 میں فلم ’دنگل‘ سے شروع کیا جس میں انہوں نے عامر خان کی بیٹی کا کردار کیا تھا اور ان کی جاندار اداکاری کو مداحوں نے بے حد پسند کیا تھا۔

زائرہ وسیم نے مداحوں سے اپنی تصاویر ڈیلیٹ کرنے کی اپیل کردی

مقبوضہ کشمیر سے تعلق رکھنے والی زائرہ وسیم نے گزشتہ سال اسلامی تعلیمات پر عمل کرنے کیلئے بالی وڈ کو خیرباد کہہ دیا تھا

اس کے بعد اداکارہ نے ایک اور سپر ہٹ فلم ’سیکرٹ اسٹار‘ میں بھی مرکزی کردار ادا کیا۔ زائرہ وسیم کو ’دنگل‘ میں اداکاری پر بہترین معاون اداکارہ کا نیشنل ایوارڈ بھی دیا گیا، اس کے علاوہ انہیں کئی فلمی ایوارڈز بھی ملے ہیں۔

دنگل گرل کے بالی وڈ چھوڑنے کے اعلان کے بعد بھی ان کی ایک اور فلم ’دی اسکائی از پنک‘ اکتوبر 2019 میں نمائش کیلئے پیش کی گئی جس میں پریانکا چوپڑا اور فرحان اختر نے ان کے والدین کا کردار ادا کیا۔